אונטערשייד צווישן ווערסיעס פון "רבי ישעיה שטיינער פון קערעסטיר"

רבי ישעי'לע איז געבוירן געווארן תרי"א-תרי"ב צו רבי משה און מרת הענטשא מרים שטיינער אין דארף זבאראוו נעבן בארדיאוו (היינט צוטאגס אין [[סלאוואקיע]]), זיין טאטע איז אוועק ווען ער איז אלט געווען בלויז דריי יאר. אין עלטער פון צוועלף יאר האט זיין מאמע די [[אלמנה]] אים געשיקט קיין [[ליסקא]] צו [[רבי צבי הירש פון ליסקא]], וואס ער האט אים געשיקט לערנען אין [[סעמיהאלי]]. נאך אן האלבן יאר איז ער צוריק פון דארט קיין ליסקא, און האט געלערנט ביי רבי צבי הירש, וואס האט אים מיט די צייט אויך אויפגענומען אלס אייגענעם [[גבאי|משמש בקודש]]. אום [[ד' ניסן]] [[ה'תרל"ה]] האט ער געהייראט שרה טאכטער פון הרב יצחק יונה וויינשטאק.

פלעגט אויך פארן צו [[רבי מרדכי לייפער (נאדווארנא)|רבי מרדכי פון נאדבארנא]], רבי [[שמואל פרענקל]] פון [[דאראג]] [[רבי חיים האלבערשטאם]] פון [[צאנז]] און נאך. נאך די פטירה פון זיין [[רבי]]'ן פלעגט ער כסדר זיך אונטער חתמ'ענען אלס משמש ביי הרה"ק פון ליסקא{{הערה|פלעגט חתמ'ענען ווי פאלגנד: הק' ישעי' בן מו"ה משה ז"ל שהי' משמש בקודש אצל הרב הצדיק מליסקא זי"ע. פאָטאָגראַפיע פון ​​די חתימה איז פארהאן אין ספר פון הרב וידאווסקי עמ' 13.}}.

נאך וואס זיין רבי איז אוועק האט רבי מרדכי פון נאדבארנא אויך אים אויפגענומען אלס רבי אין ליסקא (א חוץ רבי חיים פריעדלענדער איידעם פון רבי צבי הירש), אבער נאך רדיפות פון די חסידים וואס האבן דאס נישט געשוינט, האט ער זיך אריבער געצויגן קיין קערעסטיר צוליב די אומשטענדן{{הערה|מופת הדור זייט עז.}}. אנקומענדיג קיין קערעסטיר איז ער נתפרסם געווארן אלס א גרויסער [[בעל מופת]], און טויזנטער אידן האבן מאשירט צו אים.

איז באקאנט געווארן אלס א גרויסע [[הכנסת אורחים|מכניס אורחים]], און האט געטיילט ריזיגע געלטער פאר [[צדקה]], און אויב האט ער נישט געהאט האט ער אויס געבארגט פאר די צוועק{{הערה|מי באר ישעיהו, עמ' לח.}}.

 

יארן לאנג איז די ציון געווען א קליינעם און צובראכענעם, אום יאר [[ה'תשע"ג]] האט מען דאס איבערגעבויט גרויס און ברייט, און זייט דעמאלט איז דא א ריזן ציבור וואס קומט ארויף דורכאויס די יאר, און צום הויפט אין [[יארצייט]] [[ג' אייר]]{{הערה|1=[http://www.jdn.co.il/gallery/983654 טויזנטער אויף זיין ציון] אויף JDN זייטל.}}.