אונטערשייד צווישן ווערסיעס פון "רוי:סעמיאן גאלדין"

'''סעמיאָן גאָלדין''' ([[העברעיִש]]: ''סמיון גולדין'', [[רוסיש]]: ''Семен Гольдин'', געב. אין 1967 אין [[האמעל|האָמעל]], ווייסרוסלאַנד, דעמאלט [[ראַטנפאַרבאַנד]]) איז אַ ישראלדיקער [[היסטאריקער|היסטאָריקער]], אַ מומחה אויף דער געשיכטע פונעם פּוילישן און רוסלענדישן אידנטום.

אין 1992 איז סעמיאָן גאָלדין עולה געווען קיין [[ישראל]]. ער האָט זיך געלערנט אינעם [[העברעאישער אוניווערסיטעט אין ירושלים|העברעיִשן אוניווערסיטעט אין ירושלים]] און אין 2005 פאַרטיידיקט זיין דאָקטאָר-דיסערטאַציע אויף דער טעמע "דאָס רוסישע אידנטום אונטער דער צאַריסטישער מיליטערישער פאַרוואַלטונג בעת דער ערשטער וועלט-מלחמה". זינט 2006 שטייט סעמיאָן גאָלדין בראש פונעם טשייז-צענטער פאַר ייִדישע שטודיעס אויף דער רוסישער שפּראַך ביים העברעיִשן אוניווערסיטעט אין ירושלים. דער צענטער פירט אַ צעצווייגטע אונטעריכטערישע אַרבעט אין אוניווערסיטעטן פונעם געוועזענעם ראַטנפאַרבאנד – אין [[מאָסקווע]], [[פּעטערבורג]], [[קיעוו]], [[מינסק]], [[לעמבערג]], [[אָדעס]] אא"וו. זינט 2008 איז סעמיאָן גאָלדין דער דירעקטאַר פון נעווזלינס פאָרשערישן צענטער פאַר רוסישן און מזרח-אייראָפּעיִשן אידנטום ביים העברעיִשן אוניווערסיטעט. ער וואוינט אינעם ישוב [[כפר אלדד|כפר-אלדד]] אין [[מדבר יהודה|מדבר-יהודה]].