אונטערשייד צווישן ווערסיעס פון "רוי:ז. י. אנוכי"

'''ז. י. אנוכי'''  (פסעוודאנים פון '''זלמן יצחק אַראָנסאָן'''; ליאַדי, 1878 – תל-אָביב, [[15טן אקטאבער]] 1947) איז געווען אַ ייִדישער און אַ העברעיִשער פּראָזע-שרייבער און דראַמאַטורג.

זלמן יצחק אַראָנסאָן איז געבוירן געוואָרן אינעם שטעטל ליאַד (דעמאלט – אין באַשטאַנד פון דער [[רוסלענדישער אימפּעריע]], יעצט – אין באַשטאַנד פון דער [[וויטעבסקער געגנט]] פון ווייסרוסלאַנד) אין דער משפּחה פונעם אָרטיקן ראש-ישיבה ר' אברהם אַראָנסאָן. דער קומענדיגער שרייבער האָט זיך געלערנט אין ישיבות פון [[טעלז]] און [[סלאבאדקער ישיבה|סלאַבאָדקע]]. ער האָט דעביוטירט מיט אַ דערציילונג אויף העברעיִש אין 1903. דערנאָך האָט ער אָנגעהויבן שרייבן ייִדיש, אַרויסגעגעבן צוויי זאַמלונגען פון דערציילונגען אין 1909 און 1910. אין 1922 – 1924 האָט ז.אנכי געוואוינט אין דייטשלאַנד און אַרגענטינע. אין 1924 איז ער עולה געווען קיין ארץ-ישראל און האָט געאַרבעט אינעם תל-אָביבער שטאָט-מוניציפּאַליטעט. אין ארץ ישראל האָט ער זיך אומגעקערט צו שאַפונג אויף העברעיִש. צווישן אַנדערס האָט ער איבערגעזעצט אין העברעיִש פון ייִדיש זיינע פריִערדיקע ווערק. אין 1945 איז דערשינען זיין העברעישע דערציילונגען-זאַמלונג "בין שמים וארץ". די הויפּט-טעמע פון ז. אנוכיס שאַפונג איז געווען דאָס לעבן פון אידן אין מזרח-אייראָפּע.

* [https://library.osu.edu/projects/hebrew-lexicon/02609.php וועגן ז.אנכי אינעם לעקסיקאָן פון דער נייער העברעיִשער ליטעראַטור] (אויף העברעיִש)