רוי:רבי דוד אלעווסקי

דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "רבי דוד אלעווסקי".

 

רבי דוד שלמה זלמן אלעווסקי (כ' כסלו ה'תשי"א - י"א ניסן ה'תש"פ) איז געווען א חסידישער ראש ישיבה, א גערער חסיד, און האט געדינט אלס ראש ישיבה פון די גערער ישיבות אין די פאראייניגטע שטאטן. ער איז געווען באקאנט אלס גאר א גוטער רעדנער.

ביאגראפיע

ר' דוד איז געבוירן געווארן אין יאר תשי"א צו זיין פאטער הרב ישראל משה אלעווסקי, א גערער חסיד, דער צעלער רב, און צו זיין מוטער זלאטא (פאזנער).

שפעטער האט די משפחה זיך געצויגן קיין אמעריקע, און ער האט זיך באזעצט אין וויליאמסבורג, ברוקלין. ער האט געהאלפן גרינדן דאס ערשטע גערער חדר און אזוי אויך די ערשטע גערער מתיבתא אין בארא פארק.

זיין טאטע איז נפטר געווארן ווען ער איז נאך געווען א אינגער בחור. נאך אלס בחור איז ר' דוד געווארן א מגיד שיעור אין דער ישיבה אין בארא פארק, דער בית ישראל זי"ע האט געשיקט א שליחות אז ער זאל זאגן שיעורים אין דער ישיבה.

נאך דער חתונה איז ער אויפגענומען געווארן אלס מגיד שיעור אין דער גערער ישיבה, און ער איז שפעטער אויפגענומען געווארן אלס ראש ישיבה; ער האט געדינט אין דער ישיבה בערך פופציג יאר.

ער איז געווען א גרויסער תלמיד חכם וועלכער האט זיך אויסגעקענט איבעראל; ער איז געווען א טאלאנטפולער פה מפיק מרגליות, און ער איז גערופן געווארן רעדן צו פילע פלעצער; אבער טראץ זיין פאזיציע און מעלות איז ער געווען גאר א צוגעלאזענער און געשמאקער מענטש, וועלכער האט נישט געהאט קיין פראבלעם זיך אפצושטעלן שמועסן מיט סיי וועם.

אין יאר ליידער תשי"א איז ער קראנק געווארן מיט דעם קאראנאווירוס, און ער איז נפטר געווארן דערפון זונטאג פאר פסח אין עלטער פון 69 יאר.

זיינע תלמידים האבן ארויסגעגעבן טייל פון זיינע חידושים אין א ספר וואס הייסט "דברים על הפרק".

דרויסנדיגע וועבלינקען

• באריכט אויף בחדרי חרדים
• באריכט אויף JDN
• זיין פטירה אויף בארא פארק 24

רעפערענצן

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!