אונטערשייד צווישן ווערסיעס פון "דריווש המדי"

זיין טאטע איז געווען אחשורוש המדי{{הערה|{{תנ"ך|דניאל|ט|א}}}}, וואס איבער אים ווייסט מען כמעט גארנישט. די מפרשים אויף [[ספר דניאל]]{{הערה|[[רש"י]], [[מצודות דוד]], [[אבן עזרא]] און נאך}} ווייזן אן אז דאס איז נישט דער [[אחשוורוש]] באקאנט פון [[מגילת אסתר]]. אן אויסנאם איז א 'יש אומרים' וואס ווערט געברענגט אין די פירוש פון [[רבי תנחום הירושלמי]] אויף מגילת אסתר, אז אחשורוש פון די מגילה איז די פאטער פון דריווש המדי, און אז די מעשה פון [[פורים]] איז געשען איידער בבל איז איינגענומען געווארן דורך די פרסיים{{הערה|'''אוצר מפרשי המגילה''', ירושלים: מכון ירושלים, תש"פ. אסתר א, א}}. עס זענען דא וואס זאגן אז זיין מאמע איז געווען א פרס'ישע{{הערה|שם=ילקוש|[[ילקוט שמעוני]] אויף מגילת אסתר, רמז תתרמ"ט}}. דריווש'ס איידעם איז געווען כורש דער קעניג פון פרס{{הערה|שם=יוסי|[[ספר יוסיפון]] פרק ג}}. עס זענען דא וואס זאגן אז אחשורוש פון מגילת אסתר איז געווען זיין זון, און ער האט געהייראט [[ושתי]] די טאכטער פון בלשאצר דער זון פון נבוכדנצר ווען דריווש האט איינגענומען בבל{{הערה|שם=ילקוש}}.

דריווש אינאיינעם מיט כורש האבן אויפגעשטעלט [[מלכות פרס ומדי]], איבער וואס ביידע פעלקער האבן רעגירט. לויט די הסכם, ווען דער קעניג איז א מדי'ער, זענען די מיניסטארן פרס'ישע{{בבלי|מגילה|יב|א}}. עס זענען דא וואס זאגן אז מען האט זיך אויך אויסגענומען אז די קעניגרייך זאל אריבערגיין פון די מדיים צו די פרסיים אין א רעטאציע, וואו נאך יעדער מדי'שע קעניג וועט קעניגן א פרסי, אבער די הסכם איז געבראכן געווארן אין די צייטן פון [[אחשוורוש]]{{הערה|צבי הירש ווייס, '''פרסומי ניסא''', ברוקלין, תשע"ב. עמוד כג}}.

לויט טייל דעות איז דריווש געווען אן אחשדרפן אונטער זיין איידעם כורש{{הערה|שם=אבעז|[[אבן עזרא]] דניאל ו,א}}, און לויט טייל דעות איז דריווש נישט געשטארבן ווען כורש האט אים איבער גענומען, נאר איז אריבער קעניגן בלויז אויף מדי{{הערה|דעת סופרים אויף דניאל ו, א}}.

==אין תנ"ך==

דריווש ווערט דערמאנט נאר אין [[ספר דניאל]]. ווי עס שטייט דארט, איז אין די נאכט נאך בלשאצר'ס משתה מקוים געווארן די נבואה וואס איז געשטאנען אויפן וואנט און איז ענשידן געווארן דורך דניאל; בלשאצר איז גע'הרג'ט געווארן און דריווש האט געקעניגט אויף זיין פלאץ{{הערה|שם=דניה}}{{הערה|שם=דניו}}. אין זיינע צייטן האבן זיינער סרכים און אחשדרפנים מקנא געווען דניאל'ן, און אים אונטערגעשטעלט א פאסקע, און צוליב דעם איז ער אריין געווארפן געווארן אינעם לייבן גרוב{{הערה|שם=דניו}}. אין זיינער יארן האט דניאל געזען צוויי חזיונות{{הערה|{{תנ"ך|דניאל|ט}} און {{תנ"ך|דניאל|יא|ללא=שם}}}}.