אונטערשייד צווישן ווערסיעס פון "רוי:יורי לעוויטאן"

יורי לעװיטאַן איז געװען אַ באַרימטער דיקטאָר פון דער צענטראַלער [[סאוועטן פארבאנד|סאָװעטיש]]ער [[ראַדיאָ]] אין די 1930-1980ער יאָרן. אַ דאַנק דער אױסדריקלעכקײט און זעלטענעם טעמבער פון זיין קול, האָט מען אים באַאױפטראָגט פאָרלײענען די װיכטיקסטע דערקלערונגען און מעלדונגען. ער איז געװען דער ערשטער, װאָס האָט עפנטלעך מודיע געװען װעגן אַזעלכע היסטאָרישע געשעענישן װי דאָס אָנפאַלן פון היטלער-[[דייטשלאַנד]] אױף [[ראַטן-פאַרבאַנד]] דעם [[22סטן יוני]] [[1941]], דאָס אייננעמען פון [[בערלין]] דורך דער סאָװעטישער אַרמײ און די אומבאַדינגטע קאַפּיטולאַציע פון [[דייטשלאַנד]] דעם [[8טן מײ]] 1945, די פּטירה פונעם סאָװעטישן אָנפירער [[יאָסיף סטאַלין]] דעם 5טן מערץ 1953, דער פלוג אין קאָסמאָס פון [[יורי גאגארין|יורי גאַגאַרין]] דעם 12טן אַפּריל 1961, און אַזױ װייטער.  זיינע ראַדיאָ-אױפטריטן פלעגן זיך כסדר אָנהײבן מיט די װערטער "...Внимание! Говорит Москва" (''װנימאַ'ניִיע! גאַװאַרי'ט מאַסקװאַ'''- אַכטונג! עס רעדט [[מאָסקװע]]...).                                                                                                                                                                             

דער נאָמען פון יורי לעװיטאַן איז געװאָרן באַזונדערס פּאָפּולער אין די יאָרן פון דער [[גרױסער פאָטערלענדישער מלחמה]] (װי רופט מען אָן אין [[רוסלאַנד]] און אײניקע אַנדערע לענדער פונעם געװעזענעם [[ראַטן-פאַרבאַנד]] דעם סאָװעטיש-[[דייטשלאַנד|דייטשן]] קריג פון 1941-1945 אַלס דער עיקרדיקער טײל פון דער [[צװײטער וועלט מלחמה]]). מיט פאַרבאַהאַלטענעם אָטעם, מיט אומרו און האָפענונג צוגלייך, האָבן דאַן מיליאָנען מענטשן אין אַלע עקן פון דעם גרױסן לאַנד געהערט די ידיעות װעגן דעם מצב אױף די מלחמה-פראָנטן, פאָרגעלײענט פון אָט דעם מענטשן.                                                                                                                                                                                 

אין דער נאָכמלחמהדיקער צייט, האָט יורי לעװיטאַן פאָרגעלײענט פאַרן ברײטן עולם ראַדיאָ-צוהערער װיכטיקע פּאָליטישע דאָקומענטן, געפירט רעפּאָרטאַזשן פון מלוכישע און געזעלשאַפטלעכע אונטערנעמונגען, אָנטײלגענומען אין טאָניפיצירן קינסטלערישע פילמען, דערקלערט "די מינוט פון שװייגן" אין די יערלעכע ראַדיאָ - און [[טעלעוויזיע]] פּראָגראַמען לכבוד דעם אָנדענק פון די געפאַלענע סאָװעטישע קריגסלייט און די קרבנות פון דער ציװילער באַפעלקערונג בשעת דער מלחמה קעגן די נאַצישע שונאים ''ימ"ש''.