אונטערשייד צווישן ווערסיעס פון "רוי:ניו יארק סיטי"

== היסטאריע ==

דער שטח וואו די שטאט געפינט זיך היינט איז געווארן אנטפלעקט אין יאר 1524 דורך [[דזיאוואני דא וועראזאנא]], אן [[איטאליע]]נישער אויספארשעט וואס האט געדינט דעם [[פראנקרייך|פראנצוישן קרוין]]. דאַ וועראַזאַנא האט גערופן דעם ארט "נואוועל אַנגולעם" (פראנצויזיש: Nouvelle Angoulême - נייער [[אנגולעם]]). אין יענער צייט האבן געוואוינט אין דער געגנט עטלעגע 5,000 אמעריקאנער איינגעבוירענע פונעם לענאפע שבט. די אייראפעאישע זידלונג אין דער געגנט האט אנגעהויבן אין יאר 1614, ווען מ'האט אויפגעשטעלט א האלענדיש דערפל אין דרום פון [[מאנהעטן]] אינזל וואו מ'האט געהאנדלט מיט פעלצן. מיט דער צייט האט מען גערופן דעם יישוב [[ניי נידערלאנד]]. אין 1624, האט דער קאלאניע־גובערנאטאר [[פיטער מינואיט]] געקויפט דעם אינזל מאנהעטן פון די לענאפע מיט א בייט פאר סחורה ווערט 60 גולדן. אין 1664 האט אן ענגלישע ארמיי איבערגענומען דעם יישוב און האבן געענדערט זיין נאמען צו "ניו יארק", אויפן נאמען פונעם הערצאג פון יארק, וואס איז שפעטער געווארן דער מלך [[דזשעימס דער צווייטער]]. ביז  1700, האט די באפעלקערונג פון דעם לענאפע זיך פארקענערט צו 200 מענטשן.