אונטערשייד צווישן ווערסיעס פון "רוי:לעאניד שקאלניק"

 

'''לעאָניד שקאָלניק''' ( [[רוסיש]]: Леонид Школьник; דעם 29סטן סעפטעמבער 1945, קעמעראווא - דעם 21טן יוני 2019, ירושלים ) איז אַ [[ייִד]]ישער [[זשורנאַליסט]] און [[דיכטער]], וועלכער שרײַבט אויף רוסיש און אויף ייִדיש.

אין 1974 האָט ער אָנגעהויבן צו אַרבעטן אַלס קאָרעספּאָנדענט פון דער געגנטלעכער צייטונג "[[ביראָבידזשאַנער שטערן]]". אין די יאָרן 1984 – 1989 איז לעאָניד שקאָלניק געווען דער רעדאַקטאָר פון דער צייטונג. אין די יאָרן 1989 – 1991 איז ער געווען אַ פאָלקס-דעפּוטאַט פונעם אויבער-סאָוועט פונעם [[ראַטנפאַרבאַנד]] און דער פאָרשטייער פון דער ייִדישער אויטאָנאָמער געגנט אינעם נאַציִאָנאַליטעטן-ראַט פונעם אויבער-סאָוועט. אין 1991 איז ער עולה געווען קיין [[ישראל]]. לעאָניד שקאָלניקט האָט געוווינט אין [[ירושלים]] און געאַרבעט אין דער תל-אָביבער רוסישער צייטונג "[[נאָוואָסטי נעדעלי]]", צווישן אַנדערס פירנדיק די רובריק "שטעטל" און דערנאָך - אַלס רעדאַקטאָר פון דער פרײַטיק-בײַלאַגע "יעוורייסקי קאַמערטאָן". אין 1999 איז לעאָניד שקאָלניק געקומען קיין [[אמעריקע]] און ביז 2004 האָט ער רעדאַגירט די רוסיש-שפּראַכיקע אויפלאַגע פון דער ניו-יאָרקער צייטונג "[[פאָרווערטס]]". אין 2005 האָט לעאָניד שקאָלניק זיך אומגעקערט קיין ישראל און ווידער זיך באַזעצט אין ירושלים. לעאָניד שקאָלניק האָט געגרינדעט אַ רוסיש-שפּראַכיקע ייִדישע אינטערנעץ-צייטונג "מי זדעס" ("מיר זענען דאָ"), וועלכע ער האט רעדאַגירט ביז זיין פטירה אין 2019.  

לעאָניד שקאָלניק האָט איבערגעזעצט אין רוסיש ווערק פון ייִדישע דיכטער: [[בוזי מילער]], דאָרע כײַקינע, ליובע וואַסערמאַן, זיסי ווייצמאַן, [[עמנואל קאזאקעוויטש|עמנואל קאַזאַקעוויטש]], [[איציק בראָנפמאַן]], חיים ביידער אא., דער עיקר פאַרבונדענע מיט דער ייִדישער אויטאָנאָמער געגנט.

[[קאטעגאריע:אומבאקוקט]]

[[קאטעגאריע:אויף יידיש]]