באַקוקן דעם קאוד פון רוי:סטעמפארד היל

{{Coord|51.5705|-0.0727|display=title}}'''סטעמפארד היל''' איז א געגנט אין דער [[לאנדאנער בארא פון העקני|העקני]] באצירק אין [[לאנדאן]]. ער גרעניצט זיך מיט 'טאטנהעם' אינעם באצירק [[לאנדאנער בארא פון הארינגיי|הארינגיי]], וואס א טייל פונעם 'טאטנהעם' געגנט איז א גרויס חלק פון דער אידישער באפעלקערונג אינעם סטעמפארד היל פערטל. דער געגנט נעמט זיין נאמען פון דער הויפט גאס "סטעמפארד היל".

ביז בערך תר"ס (1900) האבן די אידן געוואוינט מייסטענס אין [[איסט ענד]] געגנט פון לאנדאן, אבער נאכהער האבן זיך א טייל אריבערגעצויגן קיין "סטעמפארד היל". היינט וואוינען א סך [[חרדים|חרדישע]] אידן דארט. טייל פון זיי האנדלען מיט [[נכסי דלא ניידי]]. 

[[טעקע:Stamford Hill N16 (1) - geograph.org.uk - 169793.jpg|קליין|300פיקס|לינקס|אן אלט בילד פון סטעמפארד היל גאס]]

די אידישע באפעלקערונג וואוינט דארט זייער צעזייעט צווישן די גוים, אבער אין די לעצטע צען יאר איז עס געווארן גאר שטארק אויפגעבויט אינעם יידיש היימישן שטאנדפונקט, וויבאלד פילע עמיגראנטן פון ארץ ישראל און אמעריקע האבן דארט חתונה און דרייען איבער די שטאט אויף מער ביזנעס האנדל ווי א שטייגער זייער געבורט לאנד.

דער [[רב]] איז [[רבי משה חיים אפרים פאדווא]], גאב"ד פון [[התאחדות קהלות החרדים]], וואס איז א פאַרבאַנד פון אלע פרומע [[קהילה|קהילות]] אין לאנדאן (סטעמפארד היל, [[גאלדערס גרין]], [[הענדאן]] און נאך)

די אידישע באפעלקערונג באשטייט הויפטזעכלעך פון [[חסידים|חסידישע]] געמיינדעס און אויכעט פון א צאל פון [[ליטוואקעס|ליטווישע אידן]]. די צוויי גרעסטע און אנזיכטיגע חסידישע געמיינדעס זענען [[בעלזא (חסידות)|בעלזא]] און [[סאטמאר (חסידות)|סאטמאר]]. אלס רב פון דער סאטמארער קהילה (פון [[רבי זלמן לייב טייטלבוים|רבי זלמן לייב]]) דינט זיין מחותן [[רבי ברוך נתן האלבערשטאם]], אלס רב פון דער סאטמארער קהילה (פון [[רבי אהרן טייטלבוים|אהרן]]) דינט [[רבי משה מנחם ווייס]]. אויסער דעם עס איז פאראן אין סטעמפארד היל נאך פילע קהילות און [[בית מדרש|בתי מדרשים]] אזוי ווי [[וויזשניץ מאנסי]] (אונטער דער פירערשאפט פונעם [[רבי דוד האגער (לאנדאן)|וויזשניץ-לאנדאנער רבי]]), [[אלכסנדר (חסידות)|אלכסנדר]], [[באבאוו]], (אלס דיין דינט רבי בן ציון בלום, אן איידעם פון [[רבי שלמה האלבערשטאם (ב)|שלמה האלבערשטאם]], דער פריערדיגער באבאווער רבי), [[מאכניווקא|בעלזא מאכניווקא]], [[גער (חסידות)|גער]], [[וויזשניץ (חסידות)|וויזשניץ]] (דער רב איז רבי אריה ווייס), [[ביאלא]] (אונטער דער פירערשאפט פון [[רבי ברוך לייב ראבינאוויטש]]), [[ליובאוויטש (חסידות)|ליובאוויטש]] און [[סקווירא (חסידות)|סקווירא]]. אזוי אויכעט קען מען טרעפן דארט בתי מדרשים און געמיינדעס ווי [[תולדות אהרן]] - אונטער דער פירערשאפט פון [[רבי משה קאהן]] (זון פון [[דוד קאהן|תולדות אהרן רבי]]), [[צאנז (חסידות)|צאנז]] און נאך.

אין סטעמפארד היל וואוינען די עשירים און בעלי צדקה  ר' [[אלי'ש ענגלענדער|אליש ענגלענדער]], ר' [[חיים משה פעלדמאן]] (א וויזשניצער חסיד), משפחת לעוו (סאטמאר), און די באקאנטע משפחת בערגער.
אכטונג: בלויז אריינלאגירטע באניצער קענען רעדאגירן בלעטער אויף המכלול.
מיר ווארטן אויף אייערע הוספות! ביטע זיך איינשרייבן אדער אריינלאגירן.	לאגט אריין