באַקוקן דעם קאוד פון דרך מצותיך

{{דעסקריפציע|ספר אויף די מצוות פונעם צמח צדק}}
{{ספר
| שם = דרך מצותיך
| תמונה = Derech_Mitzvosecha_2014-05-08_01-34.jpg
| כיתוב = שער בלאט פון ערשטער דרוק
| דורך = [[רבי מנחם מענדל שניאורסאהן (צמח צדק)]]
| סוגה = ספרי [[חסידות]], [[חב"ד]]
| שפת המקור = [[לשון הקודש]]
| הוצאה = [[אליהו עקיבא רבינוביץ'|א. ע. ראבינאוויץ]]
| דאטום פון ערשטער אויסגאבע = [[ה'תרע"א]]-[[ה'תרע"ב]]
| היברובוקס = 16082
}}
'''דרך מצְוֹתיך''' איז א ספר וואס איז מבאר די '''טעמי המצְוֹת''' לויט'ן דרך ה[[חסידות]]. דער ספר איז געשריבן געווארן דורך דער דריטער רבי פון [[חב"ד]], [[רבי מנחם מענדל שניאורסאהן (צמח צדק)|רבי מנחם מענדל שניאורסאהן]] (דער "צמח צדק"), אין די יארן תקע"ד–תקפ"ח, און איז ערשט געדרוקט געווארן אין תרע"א. דער ספר ווערט באטראכט פון די וויכטיגע ווערק אין חסידות חב"ד. אין געוויסע הינזיכטן איז דער ספר גרינגער צו פארשטיין ווי אנדערע ספרי חב"ד.

==געבוי==
דער ספר איז צעטיילט אין דריי חלקים: "טעמי המצוות", "שורש מצוות התפילה", און "מאמרי הצמח צדק".

===טעמי המצוות===
דער ערשטער און עיקר חלק אין ספר, געבט זיך אפ מיט ערקלערן די טעמים פון טייל פון די [[תרי"ג מצוות]] לויט תורת החסידות.

אין רוב פון די ביאורים הייבט אן דער מחבר מיט באצייכענען דעם מנין המצוה לויט [[ספר החינוך]], ברענגט די ערקלערונגען אויף די מצוה ווי עס שטייט אין ספר החינוך און אין [[ספר המצוות להרמב"ם]], נאכגעפאלגט מיט ביאורים לויט תורת הקבלה פון [[זוהר]] און ליקוטי תורה פונעם [[אר"י]]. נאכדעם שרייבט ער דעם חסידיש'ן ביאור, וואס איז אין גרויסן טייל באזירט אויף מאמרים פון [[רבי שניאור זלמן פון לאדי|בעל התניא]]. אפטמאל קלארט ער אויס וויאזוי דער חסידישער ביאור שטימט אויך מיט די טעמים פונעם רמב"ם און חינוך.

===שורש מצוות התפילה===
א לענגערע חיבור פון 49 פרקים, וואס איז געשטעלט צו ערקלערן דער ענין פון [[תפילה]] און [[קריאת שמע]] על פי חסידות.

רוב פון דעם חלק פארנעמט דער הסבר פארוואס מעג מען מתפלל צו השי"ת מיט [[שמות הקודש|זיינע נעמען]], ווי בעטן אז 'קל' אדער 'אלוקים' זאל העלפן, אבער נישט בעטן ביי די מידות, ווי 'חסד' אדער 'גבורה', אז זיי זאלן העלפן, ווי חז"ל זאגן "אליו ולא למידותיו". דאס נעמט אויך אריין א לענגערע הסבר אויפ'ן ענין פון [[ממלא כל עלמין]].

דעם חלק האט ער געשריבן זייענדיג 17 יאר אלט, און ווען דער [[בעל התניא]] האט עס געזען איז ער שטארק נתפעל געווארן<ref>חסידים דערציילן אז זיין רעבעצין, די טאכטער פונעם [[רבי דובער פון ליובאוויטש|מיטלער רבי'ן]], האט דאס געוויזן אן זיין רשות פאר איר זיידן דער בעל התניא, און ער האט זיך צוליב דעם געוואלט פון איר גט'ן, און נאר ווען דער בעל התניא האט צוגעזאגט צו לערנען מיט אים בחברותא האט ער זיך איבערגעבעטן (ספר התולדות אדמו"ר הצמח צדק, פרק חמישי)</ref>.

===מאמרי הצמח צדק===
א ליקוט פון נאך מאמרי חסידות פון כתב יד פונעם "צמח צדק", ווי אויך מאמרים פון בעל התניא מיט הגהות פון צמח צדק, וואס אין זיי ווערן ערקלערט עטליכע אלגעמיינע ענינים אין תורת חב"ד, ווי דער ענין פון "תוהו ותיקון", דער ענין פון "עשר ספירות ווי עס איז ביים באשעפער אליין", דער ענין פון די עבודה פון [[נסיון|נסיונות]], און נאך. אין דעם חלק געפונט זיך אויך א קיצור פון [[ספר התניא]] וואס דער צמח צדק האט געשריבן, און ערקלערונגען אין קבלה און חסידות פון זיינע בריוון.

[[טעקע:DERECH2.JPG|קליין|דער כתב יד פונעם צמח צדק, אנהייב "שורש מצות התפילה"]]

=== הוספות ===
אין די לעצטע מהדורות פון ספר, אנגעהויבן פון תשי"ג און ווייטער, זענען צוגעלייגט געווארן א מפתח ענינים, תולדות פונעם מחבר, און א מפתח אויף מצוות וועלכע ווערן ערקלערט אין אנדערע ספרי חב"ד און נישט אין דעם ספר. דער רעדאקטאר פון די הוספות איז געווען [[רבי מנחם מענדל שניאורסאהן]], דער לעצטער ליובאוויטשער רבי.

== דרוק ==
דער ספר איז געדרוקט געווארן צום ערשטן מאל אין יאר תרע"א פון כתב יד פון צמח צדק אין [[פאלטאווע]], [[אוקראינע]], דורך רבי חיים אליעזר ביכאָווסקי, א [[קאפוסט (חסידות)|קאפוסטער]] חסיד. געוויסע ליובאוויטשע חסידים האבן צוליב דעם נישט געלערנט אין דעם ספר{{הערה|נאך די פטירה פונעם צמח צדק זענען יארן לאנג געווען אומרוען צווישן [[ליובאוויטש (חסידות)|ליובאוויטש]] און [[קאפוסט (חסידות)|קאפוסט]] בנוגע ווער עס איז ממשיך דרך}}. [[רבי שמריהו גוראריה]] האט דערציילט אז אמאל האט א בחור געלערנט אינעם ספר, און ווען דער [[רבי שלום דובער שניאורסאהן|מהרש"ב]] האט דאס געזען האט ער אים דאס צוגענומען{{הערה|{{צ-ספר|שם=המלך במסיבו|מו"ל=קה"ת|שנת הוצאה=תשנ"ג|עמ=פה|כרך=ב}}}}.

דער קה"ת פארלאג האָט געדרוקט דעם ספר אין יאר ה'תש"ו אין דער שטאָט [[שאנכיי]], וואו אסאך בחורים פון ישיבות חב"ד זענען אנטלאפן בעת דער [[צווייטער וועלט מלחמה]]. אין יאר תשי"ג איז דער ספר געדרוקט געווארן אין די [[פאראייניגטע שטאטן]] מיט פילע הוספות.

== מאנוסקריפט ==
דער כתב יד פונעם חיבור געפונט זיך אין דער [[חב"ד ביבליאטעק]]. א קליינע טייל פון די כתבי יד זענען פארעפנטליכט געווארן אין פארשידענע געלעגנהייטן. אין אדר א' תשפ"ב האט דער ביבליאטעק ארויפגעשטעלט אויף דער אינטערנעט א סקען פון כמעט דאס גאנצע כתב יד{{הערה|[https://www.chabadlibrary.org/catalog/index.php?catalog=mscatalog מאנוסקריפטן קאַטאַלאָג] אויפ'ן חב"ד ביבליאטעק וועבזייטל, צעטיילט אין די פאלגנדע כרטיסים:
'[https://www.chabadlibrary.org/catalog/index1.php?frame=main&catalog=mscatalog&mode=details&volno=79 79]',
'[https://www.chabadlibrary.org/catalog/index1.php?frame=main&catalog=mscatalog&mode=details&volno=82 82]',
'[https://www.chabadlibrary.org/catalog/index1.php?frame=main&catalog=mscatalog&mode=details&volno=153 153]',
'[https://www.chabadlibrary.org/catalog/index1.php?frame=main&catalog=mscatalog&mode=details&volno=161 161]',
'[https://www.chabadlibrary.org/catalog/index1.php?frame=main&catalog=mscatalog&mode=details&volno=171 171]',
'[https://www.chabadlibrary.org/catalog/index1.php?frame=main&catalog=mscatalog&mode=details&volno=211 211]',
און '[https://www.chabadlibrary.org/catalog/index1.php?frame=main&catalog=mscatalog&mode=details&volno=218 218]'}}, ווי אויך כתבי יד פון א "מעתיק".

== דרך מצותיך חלק שני ==
אין יאר ה'תרע"ב איז אין פאלטאווע געדרוקט געווארן א ספר מיט'ן נאמען "דרך מצותיך חלק שני". דער ספר אנטהאלט ערקלערונגען אויפ'ן דאווענען פון דער צמח צדק, אבער עס האט נישט קיין שייכות צום ספר דרך מצותיך. עס ווערט שפעקולירט אז דער נאמען איז געגעבן געווארן דורך די ארויסגעבער כדי גרינגער צו באקומען ערלויבעניש פון רעגירונג עס צו דרוקן{{הערה|רבי מנחם מענדל שניאורסאהן, אין די הקדמה וואס ער האט געשריבן צום ערשטן חלק}}.

==דרויסנדיגע לינקס==
* {{היברובוקס|2=דרך מצותיך (טעמי המצות)|3=16082|4=ברוקלין תשס"ו|סופיקס=יא}}
*[https://chassidutbehirah.com/derechmitzvotecha/ דרך מצותיך] מיט נקודות, פונקטואציע, הערות, און געעפנטע ראשי תיבות אויפ'ן חסידות בהירה וועבזייטל

{{חב"ד}}

==רעפערענצן==
{{רעפערענצן}}

[[קאַטעגאָריע:חסידישע ספרים]]
[[קאַטעגאָריע:ספרי מצוות]]
[[קאַטעגאָריע:חב"ד]]
[[קאַטעגאָריע:המכלול ארטיקלען]]
[[HE:דרך מצותיך]]
אכטונג: בלויז אריינלאגירטע באניצער קענען רעדאגירן בלעטער אויף המכלול.
מיר ווארטן אויף אייערע הוספות! ביטע זיך איינשרייבן אדער אריינלאגירן.