רוי:רבי פנחס תאומים-פרענקל
רבי פנחס תאומים-פרענקל זצ"ל (ה'ת"ר - ה'תרל"ד), רב אין בוקאווסק און ציעשינאוו
אפשטאם
רבי פנחס איז געבוירן אין יאר ה'ת"ר (אומגעפער), אן איינציגער זון (בן יחיד) צו זיין פאטער הרב רבי דוב בעריש תאומים-פרענקל, רב קניעניטש און ציעשינאוו, א זון פון הרב רבי יהושע העשיל תאומים-פרענקל פון קאמארנא, א זון הרב רבי ברוך תאומים-פרענקל דער ברוך טעם. און צו זיין מוטער א טאכטער פון הנגיד הרב יונה תאומים-פרענקל פון יעראסלאוו, א זון פון הרב אהרן אריה יהודה לייביש תאומים-פרענקל פון זאוויכוואסט, א ברודער פון ברוך טעם.
רבנות
רבי פנחס איז געווען רב אין בוקאווסק, אין יאר ה'תרכ"ט איז ער אויפגענומען געווארן רב אין ציעשינאוו אויף זיין פאטער'ס ארט.
הסתלקות
רבי פנחס איז נפטר געווארן זייער יונג, אין יאר ה'תרל"ד[1].
פאמיליע
רבי פנחס האט געהייראט מרת דרעזיל א טאכטער פון הרב רבי יחזקאל שרגא האלבערשטאם דער שינאווער רב. זייערע קינדער:
- הרב רבי שמואל שמעלקא עזריאל תאומים-פרענקל (ה'תרכ"ז [2] - כ"ב חשוון ה'תרצ"ד), רב אין קלאסנא-וויעליטשקא.
- הרב יהושע העשיל תאומים-פרענקל ( - ה'תרנ"ד), רב אין ספקאוו.
רעפערענצן
- י"ג אורות - סיפורים דערציילט דורך רבי יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
- אנציקלופדיה לחכמי גליציה, מאיר וונדר
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!