רוי:רבי משה הדרשן

רבי משה הדרשן האט געווירקט אין נאַרבּאָנע, פראווינציע (היינט אין פראנקרייך), אינעם עלפטן יארהונדערט.

טייל געבן אן אלס זיין תלמיד רבי נתן בר יחיאל דער מחבר פון ספר הערוך.

רבי משה הדרשן האט מחבר געווען פירושים אויף תורה, און ווארשיינליך אויך אויף תהלים, משלי און איוב. זיינע ווערק זענען גענצליך פארלוירן געגאנגען, אבער ער ווערט צוגעברענגט דורך בני דורו, בעיקר דורך רש"י. מערסטנס זענען על דרך הדרוש ואגדה, געבויט אויף פארשידענע מדרשים. מען שפעקולירט אז די מדרשים בראשית רבתי, במדבר רבה (ערשטער טייל, אויף פרשיות במדבר און נשא), און מדרש אגדה זענען טיילווייז באזירט אויף זיינע מדרשים. געוויסע לייגן צו אויך מדרש תדשא.

ביבליאגראפיע

• אברהם עפשטיין, "רבי משה הדרשן מנרבונה".
• חננאל מאק, "מסודו של רבי משה הדרשן".