רוי:רבי ישראל שפירא

רבי ישראל שפירא (ה'תר"ן - א' חשוון ה'תש"נ) רב אין פראכניק באקאנט אלס דער בלאזשאווער רבי.

אפשטאם

רבי ישראל איז געבוירן חשון ה'תר"ן, צו זיין פאטער הרב רבי יהושע שפירא, רב אין ריבאטוטש, א זון פון הרב צבי אלימלך שפירא, רב אין בלאזשאוו, א זון פון הרב רבי דויד שפירא, רב אין דינאוו, א זון פון הרב רבי צבי אלימלך שפירא, דער בני יששכר. און צו זיין מוטער מרת צפורה א טאכטער פון הרב יעקב דאכנער, פון דעלאטין

רבי ישראל איז געווען רב אין פראכניק, נאך זיין פאטער'ס פטירה האט ער זיך באזעצט אין איסטעריק.

רבי ישראל האט נאך געקענט די גדולי ישראל פון פאר דער ערשטער וועלט קריג, רבי ישראל האט אנטייל גענומען אין דער ערשטער כנסיה הגדולה אין וויען אין יאר ה'תרפ"ג.

נאך דער צווייטער וועלט קריג האט רבי ישראל געוואוינט א קורצע צייט אין בריסל נאכהער איז ער געקומען קיין אמעריקא און געעפנט זיין בית המדרש אין וויליאמסבורג, און שפעטער זיך געצויגן קיין בארא פארק.

רבי ישראל איז נפטר געווארן אין עלטער פון הונדערט יאר א' חשוון ה'תש"נ אין ניו יארק, מען האט אים געפירט קיין ארץ ישראל אין ליגט אין הר הזיתים.

נאך זיין פטירה איז זיין שטיף־זון רבי צבי יהודה שפירא (פריער קושיצקי; תרצ"ו - ט"ז תמוז תשע"ה) געווארן זיין ממלא מקום.

רבי ישראל האט געהייראט בזיווג ראשון מרת פערל, א טאכטער פון הרב רבי שלום דוד אונגאר רב אין זשאבנא.

בזיווג שני האט רבי ישראל געהייראט מרת בראניע א טאכטער פון הרב משה מנחם מאלכיאר.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!