רוי:רבי יעקב יחזקיה גרינוואלד (ניו יארק)
רבי יעקב יחזקי' גרינוואלד (געבוירן ח' ניסן ה'תש"ח) איז דער היינטיגער רבי פון פאפא חסידים, און רב פון די קהילה קהלת יעקב פאפא און ווילאמסבורג, ווי אויך קהלת יעקב אין בארא פארק און אין מאנסי.
ער איז געבוירן געווארן אין אנטווערפן אלס דער עלטסטער זון פון רבי יוסף גרינוואלד, דער פריערדיגער פאפא'ער רב. נאכ'ן אנקומען קיין אמעריקא האט ער געלערנט אין פאפא תלמוד תורה אין וויליאמסבורג[1].
ער האט חתונה געהאט מיט דער טאכטער פון טעטשער רב, רבי מאיר גרינוואלד.
ער איז געווען דיין בעפאר ער איז געווארן רב, אבער האט אפגעלאזט דאס דיינות ווען ער האט אנגענומען די רבנות פאסטען אין זומער פון תשמ"ד.
ער איז א שטילער איידעלער איד. ער איז א א שטיקל קנאי, בפרט אין "כאניאקישע" ענינים. איינמאל האט ער אליינס אראפגעריסן א פלאקאט (פון פאטאקי-קאמפיין) אין שול, אלס א הוראה אז דער איז א מקום קדוש אין מען טאר נישט דארטן הענגען אזוינע פלאקאטן. דער אקט איז געווען באטראכט ווי א שטארקע גבורה אז א רבי זאל אליינס רייסן פלאקאטן. אויך האט ער ביי א חתונה פון זיינס א מתפלל, וועלכער האט געלאזט כאפן ווידעא (וואס איז נישט ערלויבט אין פאפא) גאר שארף מוחה געווען ברבים. דער מתפלל איז געווארן באליידיגט אבער ס'איז אים נישט אנגעגאנגען.
ער איז א באשיידענער מענטש און פרובירט צו לעבן בשלום מיט יעדן, ובפרט מיט זיינע געשוויסטער: זיינע יונגערע ברידער, רבי ישראל מנחם גרינוואלד אבד"ק פאפא בארא פארק, און רבי אהרן גרינוואלד דער היינטיגער פאפא דיין. און שוואגערס, רבי משה ראזנער אבד"ק טערצאל, און רבי יעקב שלמה מייזליש אבד"ק לימנוב.
רעפערענצן
- ↑ שלמה ניימאן, "אשרי ילדותינו: די קינדער יארן פון אונזערע רבי'ס", קינדער שריפט 235, סוכות תשפ"ד, עמ' 63
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!