רוי:רבי אהרן פון ניישטאט

רבי אהרן פון ניישטאט (בלומליין; געשטארבן 1421), רבנישער געלערנטער פון קרעמס (נידער עסטרייך). אהרן איז געווען א שוואגער פון רבי אברהם קלויזנער. ער איז געווען א תלמיד, און דאן א קאלעגע פון רבי שר שלום פון וויען (ווינער-ניישטאט), און אויך פון רבי יעקב (יעקל) פון עגער, רב אין וויען. ר' אהרן איז געווען רב אין ווינער-ניישטאט און דאן אין וויען. א הלכה'דיגע קאָנטראָווערסיע איז אויפגעקומען צווישן ר' אהרן און ר' יעקב אויף דער פראגע פון גוים וואס פארזארגן אידישע געפאנגענע מיט עסן שבת, א פראקטיק וואס איז ערלויבט געווען דורך ר' אהרן (לקט יושר, רעד. דורך י. פריימאן, 1 (1903), 64). ר' אהרנ'ס נעפע און אויסגעצייכנטער תלמיד איז געווען רבי ישראל ב"ר פתחיה איסרליין, וואס ציטירט אפט זיין רבינ'ס תנ"כישע און תלמודישע לערעס, אין זיינע פסקים וכתבים (1519) און אין זיינע באורים (1519). ער באציט זיך, בפרט, צו הלכות נדה, א הלכה'דיגע קאמפענדיום פון ר' אהרן. צווישן ר' אהרנ'ס בארימטע נאכפאלגער זענען געווען רבי יעקב בן משה מעללין (מהרי"ל) און רבי יצחק טירנא, מחבר פון מנהגים (1566), אלע פון וועמען ציטירן אים. ביי די וויענער פארפאלגונגען פון 1420 איז ר' אהרן ארעסטירט געווארן און האט געליטן שווערע פייניגונגען, פון וועלכע ער איז געשטארבן.

ביבליאָגראַפיע: מיכאל, אור, נומער 277; י. פריימאן (רעד.), לקט יושר, 2 (1904), 20–21, נומער 14; ש. איידלברג, אידיש לעבן אין עסטרייך (1962), אינדעקס.