רוי:טעראריסטישע אטאקן אין פאריז, נאוועמבער 2015
דער אַרטיקל איז אַ יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "טעראריסטישע אטאקן אין פאריז, נאוועמבער 2015".
אָוונט דעם 13טן נאָוועמבער 2015 זענען פאָרגעקומען אַ ריי טעראָר־אַטאַקן אין פּאַריז דורכגעפירט פון איסלאַמישע עקסטרעמיסטן. דריי אויפרייסן און זעקס שיסערייען האָבן אַוועקגענומען די לעבן פון 129 קרבנות און נאָך 359 מענטשן זענען פאַרוואונדעט געוואָרן, צווישן זיי 99 זענען נאָך אין קריטישן מצב.
די אחריות פאַר די אַטאַקן האָט אָנגענומען דער איסלאַמישער שטאַט (ISIS). לויט דער דערקלערונג פון פאַרטרעטער פון דער טעראָריסטישער אָרגאַניזאַציע, דאָס איז געווען אַ נקמה פאַר פראַנקרייכס פאַרנעמען זיך אין אַנטי־איסלאַמיסטישע מיליטערישע אָפּעראַציעס.
די אַטאַקן
עס זענען דורכגעפירט געוואָרן זיבן טעראָר אַטענטאַטן אין פאַרשידענע ערטער אין פּאַריז. די אויפרייסן זענען געווען לעבן דעם סטאַדיאָן Stade de France קורץ נאָך דעם, אַלס עס האָט זיך דאָרטן אָנגעהייבן אַ פוטבאָל מאַטש צווישן פראַנקרייך און דייטשלאַנד. אין דעם טעאַטער האָבן פיר טעראָריסטן גענומען אַרום 100 ערבניקעס: אַ סך, ווען ניט כמעט אַלע פון זיי זענען אומגעבראַכט געוואָרן.
די טעראָריסטן
די גענויע צאָל פון די טעראָריסטן איז ניט באַוואוסט, אָבער אַכט פון זיי זענען דערהרגעט געוואָרן. זיבן פון זיי האָבן זיך אונטערגעריסן און נאָך איינער איז דערהרגעט געוואָרן דורך פּאָליציי. אויף די קערפּער פון צוויי טעראָריסטן האָט מען געפונען פּאַספּאָרטן פון עגיפּטן און סיריע. וועגן דריי אַנדערע ווייס מען אַז זיי זענען געקומען פון בריסל און נאָך איינער איז געווען אַ פראנצויזישער בירגער.
וועב־לינקען
- Самый кровавый теракт в истории Франции: около 130 погибших в Париже, www.newsru.co.il
- Paris attacks: Hollande blames Islamic State for 'act of war', BBC News
- Gunmen kill more than 120 in wave of attacks across Paris, Yahoo! News
- Attentats de Paris : Retour sur les 3 explosions kamikazes du Stade de France, FRANCE 24
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!