רוי:אבי בנימין
דער אַרטיקל איז אַ יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "אבי בנימין".
אבי בנימין (געב' 3טן מערץ 1959) איז אַ ישראלדיקער קאָמפּאָזיטאָר.
ביאָגראפיע
אבי בנימין איז געבוירן געוואָרן מיטן נאָמען "אבי נעדזוועצקי" אין 1959 אין דער הויפּשטאָט פון עסטלאַנד, טאלין. די אומגאַנג-שפּראַך איז אין דער משפּחה געווען אידיש. דער קומענדיגער קאָמפּאָזיטאָר האָט זיך געלערנט אין דער טאַלינער קאָנסערוואַטאָריע און אין דער מוזיק-אַקאַדעמיע. אבי נעדזוועצקי האָט געאַרבעט אַלס מוזיקאַלער אָנפירער פונעם טאַלינער דראַמע-טעאַטער. אין סוף 80ער יאָרן פונעם 20טן יאָרהונדערט האָט ער מיטגעאַרבעט מיטן מאָסקווער יוגנט-טעאַטער, פאר וועלכן ער האָט אָנגעשריבן דעם מיוזיקל "Good Bye America ", וועלכער איז ניט אַראָפּ פון דער בינע במשך פון עטליכע יאָרן. אין דער זעלבער תקופה האָט ער אָנטיילגענומען אין דער שטעלונג פון מוזיקאַלער פּיעסע "מסעות בנימין השלישי" לויט מענדעלע מוכר-ספרימען אינעם מאָסקווער טעאַטער "ערמיטאַזש". די פּיעסע, וועלכע איז געגאַנגען אויף רוסיש מיט לידער אויף ייִדיש און אויף לשון-קודש איז געוואָרן אַ רוף צו דעם סאָוועטישן אידנטום עולה זיין קיין ישראל.
אין 1991, בעת דער מלחמה אינעם פּערסישן איינגוס איז אבי נעדזוועצקי עולה געווען און ער האָט זיך באזעצט אינעם קיבוץ נווה-איתן ניט ווייט פון בית שאן. שפּעטער האָט ער זיך אַריבערגעצויגן קיין ירושלים, אין גיכן נאָך דעם איז ער געוואָרן דער קאָמפּאָזיטאָר פונעם טעאַטער "גשר". דעריבער איז ער אַריבערגעפאָרן קיין תל-אָביב, וואוּ ער וואוינט ביז יעצט. אבי בנימין האָט אָנגעשריבן מוזיק פאַר צענדליקער שטעלונגען פון "גשר" לויט ווערק פון מדינת ישראלדיקע און אויסלענדישע שריפטשטעלער, צווישן זיי – לויט איבערגעזעצטע פון ייִדיש יצחק באשעוויס זינגערס "שאָשע" און "דער קנעכט", ווי אויך צו פילמס. באַנאַנד מיט דער אַרבעט אין "גשר" אַרבעט אבי בנימין מיט מיט אַנדערע טעאַטערן, בתוכם מיטן תל-אָביבער טעאַטער "ייִדישפּיל", פאַר וועלכן ער האָט אָנגעשריבן מוזיק צום מוזיקאַלן ספּעקטאַקל "געבירטיג - אַ האַרץ, וואָס בענקט נאָך לידער" וועגן דעם דיכטער מרדכי געבירטיג.
דרויסנדע לינקס
דאָס וועב-זייטל פון אבי בנימין (ענגליש) - http://avi-channel.com/
| וויקימעדיע פונדאציע פּראיעקטן |
|---|
 בילדער און מידיע אויף וויקימעדיע קאמאנס: אבי בנימין |
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!