רוי:קריסניפאליע
| ||||||||||||||||||||||||||
קריסניפאליע, קריסניפאלי, קראַסניפאלי (אוקראיניש: Червоноград טשערוואנאהראַד; פּויליש: Czerwonogród, Krystynopol) איז א מינעריי שטאט אין דער לעמבערגער גובערניע, מערב אוקראינע. די שטאט איז אן אייגענער דיסטריקט אין דער גובערניע. די באפעלקערונג איז אומגעפער 82,900 (אין 2013).
פריער איז דער געגנט געווען אין מזרח גאליציע.
קריסניפאליע איז געווען א יידיש שטעטל בערך 200 יאר ביז צום חורבן אייראפע. רוב יידן אין שטעטל זענען געווען בעלזער חסידים. היינט וואוינען דארט ווינציקער פון 100 יידן.
געאגראפיע
קריסניפאליע געפינט זיך אין מערב אוקראינע, 65 ק"מ צפון פון לעמבערג, 10 ק"מ דרום פון סקאהל און 16 ק"מ מזרח פון בעלז.
יידישע היסטאריע
שוין אין 1740 האבן געוואוינט יידן אין קריסניפאליע.
אין 1880 האבן געוואוינט אין קריסניפאליע 2,747 יידן, 78% פון דער באפעלקערונג פונעם שטעטל.[1] דער הויפט מסחר פון די יידן איז געווען האנדל מיט תבואה. אין 1926 האט דאס שטעטל געהאט פינף שולן. ווען די דייטשן האבן אינוואדירט אין 1939, זענען רוב יידן אנטלאפן אריבער דעם בוג מיט דער סאוועטישער ארמיי; זיי זענען געשיקט אין גלות אין סיביר. די איבערגעבליבענע יידן האט מען דעפארטירט קיין בעלזשיץ סעפטעמבער 1942.[2]
הרב אפרים תאומים איז געווען שטאטס רב פון קריסניפאלי.
רעפערענצן
- ↑ "קריסניפאליע", אויף "JewishGen" (ענגליש)
- ↑ קריסניפאליע, ביי קהילה־לינקס
וועבלינקען
| וויקימעדיע פונדאציע פּראיעקטן |
|---|
 בילדער און מידיע אויף וויקימעדיע קאמאנס: [[:commons:Category:{{#אייגנשאפט:p373}}|קריסניפאליע]] |