רוי:רבי נחום קוק
רבי נחום הכהן קוק (ח' ניסן תרצ"ב, 14טן אפריל 1932 – י"ב ניסן תש"ע, 27סטן מערץ 2010) איז געווען דער רב פונעם תל גנים פערטל אין רמת גן. ער איז געווען שטארק טעטיק אין די געביטן פון רעליגיע און היטן כבוד המת. ער איז געווען א געערטער פון דער שטאט רמת גן.
לעבנסגעשיכטע
ער איז געבוירן געווארן אין מאנדלבוים הויז אין ירושלים, צו זיינע עלטערן רבי רפאל קוק און רחל, טאכטער פון שמחה מאנדלבוים. מען האט אים געגעבן א נאמען נאך זיין זיידן רבי נחום קאברינער. ער האט געלערנט אין ישיבת כפר הרא"ה, דערנאך אין ישיבת חברון אין ירושלים און אין דער סלאבאדקער ישיבה אין בני ברק.
אין 1954 האט ער געהייראט שושנה, טאכטער פון רבי שמואל אבראמאוויטש, רב פון רמת יצחק. פון זיין חתונה האט ער געוואוינט אינעם רמת יצחק פערטל פון רמת גן. עטליכע יאר האט ער געלערנט אין היכל התלמוד אין תל אביב. ער איז באשטימט געווארן רב פונעם תל גנים פערטל פון רמת גן, און ער האט געדינט ווי רב פון דער הייראטן אפטיילונג פון דער שטאט.
ער איז געווען יארן לאנג טעטיק אין פארשידענע געביטן פארבונדן מיט היטן דעם הלכה'דיקן כאראקטער פון מדינת ישראל. ספעציעל האט ער געטון אינעם עניין פון היטן כבוד המת און האט געפועל'ט א סך קעגן די געריכטן און די פאליציי צו באקומען באשטעטיגונגס־דאקומענטן צו פארמיידן פאלמעסן טויטע. ער האט געדינט פרייוויליק ווי דער רב פונעם ביילינסאן שפיטאל און האט ספעציאליזירט אינעם געביט פון מעדיצין און הלכה.
ער איז געווען פארזיצער פונעם וועד הרבנים אין רמת גן.
אין 2008 האט ער באקומען דעם טיטל געערטער פון רמת גן[1].
ער איז נפטר געווארן שבת הגדול תש"ע און די לוויה איז פארגעקומען מוצאי שבת. מ'האט אים באערדיגט אינעם פאניוועזשער בית עולם, נאענט צום קבר פון הרב שך. אויף זיין מצבה שטייט: "מסר עצמו לחזק בדקי הדת, עמל ויגע במצוות כבוד המת וקנה בה קניין" (ער האט זיך איבערגעגעבן צו פארשטערקן רעליגיע, ער האט געארבעט שווער אין דער מצווה פון כבוד המת און האט פארמאגט דארט אן ארט.[2].
משפחה
זיין זון איז דער מקובל רבי דוב קוק. זיינע ברידער זענען די רבנים שלמה, שמחה און אברהם יצחק קוק. זיינע שוואגערס זענען די רבנים אברהם שערמאן און יעקב כ"ץ.
דרויסנדיגע לינקס
- הגאון רבי נחום קוק זצ"ל, בחדרי חרדים, 2010. 3. 27
רעפערענצן
- ↑ [1], וועבזייטל פון רמת גן מוניציפאליטעט
- ↑ הקמת מצבה על קברו של הגאון רבי נחום קוק זצ"ל, כיכר השבת
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!