רוי:ז. י. אנוכי
דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "ז. י. אנוכי".
ז. י. אנוכי (פסעוודאנים פון זלמן יצחק אַראָנסאָן; ליאַדי, 1878 – תל-אָביב, 15טן אקטאבער 1947) איז געווען אַ ייִדישער און אַ העברעאישער פּראָזע-שרייבער און דראַמאַטורג.
לעבנס-געשיכטע
זלמן יצחק אַראָנסאָן איז געבוירן געוואָרן אינעם שטעטל ליאַד (דעמאלט – אין באַשטאַנד פון דער רוסלענדישער אימפּעריע, יעצט – אין באַשטאַנד פון דער וויטעבסקער געגנט פון ווייסרוסלאַנד) אין דער משפּחה פונעם אָרטיקן ראש-ישיבה ר' אברהם אַראָנסאָן. דער קומענדיגער שרייבער האָט זיך געלערנט אין ישיבות פון טעלז און סלאַבאָדקע. ער האָט דעביוטירט מיט אַ דערציילונג אויף העברעאיש אין 1903. דערנאָך האָט ער אָנגעהויבן שרייבן ייִדיש, אַרויסגעגעבן צוויי זאַמלונגען פון דערציילונגען אין 1909 און 1910. אין 1922 – 1924 האָט ז.אנכי געוואוינט אין דייטשלאַנד און אַרגענטינע. אין 1924 איז ער עולה געווען קיין ארץ-ישראל און האָט געאַרבעט אינעם תל-אָביבער שטאָט-מוניציפּאַליטעט. אין ארץ ישראל האָט ער זיך אומגעקערט צו שאַפונג אויף העברעאיש. צווישן אַנדערס האָט ער איבערגעזעצט אין העברעאיש פון ייִדיש זיינע פריִערדיקע ווערק. אין 1945 איז דערשינען זיין העברעישע דערציילונגען-זאַמלונג "בין שמים וארץ". די הויפּט-טעמע פון ז. אנוכיס שאַפונג איז געווען דאָס לעבן פון אידן אין מזרח-אייראָפּע.
וועב-לינקען
- וועגן ז.אנכי אינעם לעקסיקאָן פון דער נייער העברעאישער ליטעראַטור (אויף העברעאיש)
- וועגן ז.אנכי אין דער עלעקטראָנישער ייִדישער ענציקלאָפּעדיע (אויף רוסיש)
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!