רוי:אריאל שרון פארק

אריאל שרון פארק
פארק אריאל שרון
נתונים ומידות
שטח	8.5 קוואדראט קילאמעטער
מיקום
קואורדינטות	32°1′36.93″N 34°49′26.71″E / 32.0269250°N 34.8240861°E
אתרים בפארק	תל בני ברק, חוות שלם
	מפת מיקום; מפה דינמית;

דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "אריאל שרון פארק".

סביבה בילדונג צענטער - אריאל שרון פארק

אריאל שרון פארק (העברעאיש: פארק אריאל שרון; אויך גערופן: איילון פארק; העברעאיש: פארק איילון) איז אַ גרויסער אפענער שטח וואָס געפינט זיך צום לענג פון אַיָלון טייך, צווישן בן גוריון פליפעלד און דעם אילון שאסיי.

דער שטח איז ארומגענומען פון מזרח און פון צפון דורך אור יהודה, רמת-גן און תל אביב-יפו און פון דרום דורך שאסיי 1, אזור און מקוה ישראל.

דער פארק פארמאגט שטחים פון נאטור, לאנדשאפט, און ארכעאלאגיע. עס דרייען זיך דארט פארשידענע בעלי חיים ווי רעפטיליעס, זויגער, אמפיביע און פויגל וועלכע שטעלן זיך דארט אפ אויפ'ן וועג. אינעם פארק זענען דא וועגן פאר פיסגייער און פאר ביציקלעך. דער פארק איז דערווייל נאכאלץ אונטער קאנסטרוקציע.

היסטאריע

בעפאר דער פארק איז אויפגעשטעלט געווארן, איז דער געגנט גערופן געווארן חירייה, נאך דעם אראבישן דארף אל-ח'ירייה^[1]. במשך דער תקופה פון דער אטאמאנישע אימפעריע, האט דער דארף געהייסן "איבן איבראק", נאך דעם אוראלטן שטאט בני ברק. אין 1924 איז דער נאמען פונעם דארף געטוישט געווארן צו אל-ח'ירייה. די אראבישע איינוואוינער פונעם דארף זענען פון דארט אנטלאפן במשך די וואכן בעפאר דער אומאפהענגיגקייט מלחמה פון 1948.

פון 1952 ביז 1998 האבן זיך אנגעזאמעלט אויף דעם ארט ריזיגע הויפענס פון מיסט^[2]^[3]. אין 2005 האט מדינת ישראל באשלאסן אויפצושטעלן א פארק אויף דעם שטח. אין 2007, איז באשלאסן געווארן צו רופן דעם פארק נאך דעם פרעמיער מיניסטער, אריאל שרון.

אוראלט בני ברק

עטליכע אידענטיפיצירן דעם אָרט פון אוראלט בני ברק, אן אלטע שטאט פון פלשתים אין דער אייזן עפאכע און אין דער צייט פון ערשטן בית המקדש, און א אידישער ישוב אין דער צייט פון צווייטן בית המקדש, אינעם דרום-מערב ווינקל פון "מחלף מסובים", דרום צו רמת-גן, אין שטח פון איילון פארק. דער נאמען פון "מחלף מסובים" קומט פונעם שטיקל אין הגדה של פסח: ”מַעֲשֶׂה בְּרַבִּי אֱלִיעֶזֶר וְרַבִּי יְהוֹשֻעַ וְרַבִּי אֶלְעָזָר בֶּן עֲזַרְיָה וְרַבִּי עֲקִיבָא וְרַבִּי טַרְפוֹן שֶהָיוּ מְסֻבִּין בִּבְנֵי בְרַק”.