רוי:אבאזשור

דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "אבאזשור".

 

צוויי לאמפן מיט אבאזשורן

אן אַבאַזשור איז א מיטל־געצייג צוצודעקן א לאמפ כדי צו צעווארפן און צעשפרייטן דעם ארויסגעלאזענעם ליכט. דער צוועק קען זיין צו שיצן די אויגן פון צופיל קאנצענטרירטן ליכט, צו באלייכטן א באשטימטן ארט, אדער פאר דעקאראציע.

אבאזשורן קענען זיין געמאכט פון פארשידענע סארט מאטעריאלן, ווי צום ביישפיל פאפיר, גלאז, שטיין, אדער אנדערע סארט שטאף. זייער פארעם איז אפט קאנוס אדער צילינדער באזירט.

די ערשטע אבאזשורן זענען ווארשיינליך געווען אין באניץ אין בריטאניע אין די זעכציגער יארן פונעם 19טן יארהונדערט.

עטימאָלאָגיע

דאס ווארט שטאמט פון פראַנצויזיש: abat-jour, מסתמא דורך א סלאווישע שפראך, ווי פּויליש: abażur אדער רוסיש: абажур.