רוי:רבי אריה לייביש רובין
רבי אריה לייביש רובין זצ"ל (ה'תרמ"א - כ"ו אייר ה'תש"ב) פון ציעשינאוו און טאמאשאוו, באקאנט אלס רבי לייביש'ל טאמאשאווער.
אפשטאם
רבי לייביש'ל איז געבוירן אין צאנז אין יאר ה'תרמ"א, צו זיין פאטער פון הרב רבי יצחק טוביה רובין, פון צאנז, א זון פון הרב רבי מאיר רובין, פון גלאגאוו, א זון פון הרב רבי מנחם מענדל רובין פון גלאגאוו, (אן איידעם פון הרב מאיר ראטטענבערג פון אפטא, דער אור לשמים), א זון פון הרב רבי אשר ישעיה רובין פון ראפשיץ. און צו זיין מוטער מרת נחמה א טאכטער פון הרב רבי חיים האלבערשטאם, דער צאנזער רב.
רבנות
רבי לייביש'ל האט ארויס געהאלפן זיין שווער מיט דעם ציעשינאווער רבנות, נאך זיין שווער'ס פטירה אין יאר ה'תרע"ד איז רבי לייביש'ל געווארן רב אין ציעשינאוו.
אין יאר ה'תרפ"ג ווען זיין שוואגער רבי יחזקאל שרגא איז עלטער געווארן און איז שוין געווען פעהיג איבער צונעמן דאס רבנות, האט רבי לייביש'ל אים אנגעטרויטן דאס רבנות, און איז אריבער קיין טאמאשאוו וואו ער איז שפעטער אויפגענומען געווארן אלס רב.
הסתלקות
רבי לייביש'ל איז נפטר געווארן כ"ו אייר ה'תש"ב אין סיביר.
פאמיליע
רבי לייביש'ל האט געהייראט מרת חנה רחל א טאכטער פון הרב שמחה ישכר בער האלבערשטאם, רב אין ציעשינאוו, א זון פון דעם שינאווער רב. זייערע קינדער:
- הרב מאיר רובין (ה'תר"ס (אומגעפער) - י"ג ניסן ה'תש"ב) פון טאמאשאוו.
- הרב שלום יחזקאל שרגא רובין - האלבערשטאם, דער ציעשינאווער רבי אין ברוקלין.
- מרת הענא הי"ד, די ווייב פון הרב יוסף ברוך בער רב אין פשעדבארז.
- מרת מרים מלכה די ווייב פון הרב משה נתנאל זיכלינסקי פון לאדזש.
- מרת פריידא די ווייב פון הרב שלמה האלבערשטאם רב פון באבוב.
- הרב שמחה ישכר בער רובין ה'תרפ"ג - תשע"?), טאמאשאווער רבי אין ברוקלין. ער האט געהייראט אין יאר ה'תש"י מרת ריווע מלכה א טאכטער פון הרב יהושע אייכנשטיין, פון פראכניק. זייערע קינדער:
- מרת דינה פרימט די ווייב פון הרב נפתלי ווייס, א זון פון הרב יעקב יוסף ווייס רבי פון ספינקא.
- הרב אריה לייביש רובין, ער האט געהייראט מרת נחמה מלכה א טאכטער פון הרב שבתי מייזליש.
- הרב יהושע יחיאל רובין.
- הרב יחזקאל מאיר רובין.
- מרת מירל.
- הרב אשר ישעיה רובין.
זיינע ספרים
- קונטרס אבן טובה
רעפערענצן
- י"ג אורות - סיפורים דערציילט דורך רבי יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
- אנציקלופדיה לחכמי גליציה, מאיר וונדר
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!