רוי:טערעזא מיי
|
|
טערעזאַ מערי מיי (ענגליש: Theresa Mary May; געבוירן ברעזיער , דעם 1טן אקטאבער 1956) איז א בריטישע פאליטיקערין. זי איז געווען די פרעמיער מיניסטארקע פונעם פאראייניגטן קעניגרייך פון יולי 2016 ביז יולי 2019. זי איז א דעפוטאט פון דער קאנסערוואטיווער פארטיי. פריער האט זי געדינט ווי אינערן מיניסטארקע.
זי איז א דעפוטאט אינעם הויז פון קאמאנס (MP) פאר דער מיידנהעד וויילערשאפט.
ביאגראפיע
זי איז געבוירן געווארן אין איסטבארן, סאסעקס, און איז אויפגעוואקסן אין אקספארדשיר.[1][2]
אום 6טן סעפטעמבער 1980 האט זי געהייראט פיליפ דזשאן מיי. זיי האבן נישט קיין קינדער. אין 2013 איז זי געווארן דיאגנאזירט מיט טיפ 1 צוקערקרענק.
פאליטישע דערפארונג
זי איז ערשט געווארן א קאנסערוואטיווע דעפוטאט ביי די אלגעמיינע וואלן פון 1997. זי איז געווארן פראמאווירט צום שאטן קאבינעט אין 1999. פון יולי 2002 ביז נאוועמבער 2003 איז זי געווען פארזיצערין פון דער קאנסערוואטיווער פארטיי.
אום 12טן מיי 2010 איז זי געווארן אינערן מיניסטארקע, און זי האט געהאלטן דעם אמט ביז 2016, לענגער ווי יעדן אין די לעצטע צוויי יארהונדערטער.
רעפערענצן
| פריערדיגער: ערשטער |
פרעמיער מיניסטער פונעם פאראייניגטן קעניגרייך 2019 - 2016 |
נאָכפאלגער: באריס זשאנסאן |