רוי:אבא חלקיה

אבא חלקיה איז געווען א בארימטער צדיק, חסיד און בעל מופת אין ארץ ישראל אומגעפער אין אָנהויב פון ערשטן יאָרהונדערט, אין דער צייט ווען דאָס צווייטע בית המקדש איז געשטאנען.

אין דער גמרא ווערט דערציילט, אז ער איז געווען אן אייניקל פונעם בעל מופת חוני המעגל, און אז ער האָט געארבעט אלס געדונגענער בעל מלאכה ביי אנדערע אין פעלד, פירנדיג אן אָרעם לעבן; אין א טרוקן יאָר, ווען עס איז נישט געפאלן קיין רעגן, פלעגט מען קומען צו אבא חלקיה אז ער זאָל מתפּלל זיין. אין דער גמרא ווערט געזאגט אויף דעם פּסוק הוֹלֵךְ תָּמִים וּפֹעֵל צֶדֶק ("פירט זיך אויף גאנץ און מיט גערעכטיקייט"), אז "הולך תמים" מיינט מען אברהם אבינו, און "פּועל צדק" מיינט מען אבא חלקיה.

רעפערענצן

דער ארטיקל נעמט אריין טעקסט פון דער ייִדישער פאָלקס־ענציקלאָפּעדיע (פּיעטרושקא), וואָס איז היינט אינעם רשות־הרבים. רעכטן פאר טוישונגען בלייבן רעזערווירט.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!