רוי:אנטי ציוניזם
אנטי ציוניזם באדייט, אפאזיציע צו ציוניזם און מדינת ישראל, סיי ביי אידן סיי ביי גויים.
אידעאלאגיע
דאס בליק פון פילע תורה-טרייע אידן אויף ציוניזם, איז אז דער גאנצער געדאנק פון "ציוניזם" באשטייט פון דער ציוניסטישער פראזע וואס איז פראפאגאנדירט געווארן דורכאויס די תר"ע-פ יארן, "דאס צוויי טויזנט יעריגע גלות שרייט צו אונז "אם אין אני לי מי לי" עפרא לפומייהו.
די אלע וואס זיי האלטן אז דער אויבנדערמאנטער פראזע האט אין זיך אן אמת, די ווערן אנגערופן "ציונים".
"ציוניזם" איז א כפירה אין אסאך עיקרי אמונה.
צום אלעם ערשטן איז דא אויבן-אויף צוויי זאכן אין וועלכע ציוניזם לייקנט:
- ציוניזם לייקנט אז מיר זענען אין גלות ווייל דער אייבערשטער האט אונז דא געשיקט אלץ שטראף אויף אונזערע זינד.
- ציוניזם לייקנט אז נאר דער אייבערשטער קען און וועט אונז ארויסנעמען פון גלות.
אין די צוויי דערמאנטע ענינים זענען נכלל נאך פיל ענינים פון אמונה, וואס ווערט פארלייקנט גענצליך אדער טיילווייז דורך די ציוניסטישע געדאנק.
- ציוניזם לייקנט אין די ערשטע אני מאמין, "והוא לבדו עשה ועושה ויעשה לכל המעשים". ציוניזם זאגט אז מיר זענען אין גלות אלץ בטלנות, נישט ווייל דער בוכ"ע וויל אזוי און מאכט אזוי, און מען קען מצליח זיין אראפצואווארפן פון זיך דעם עול הגלות אפילו קעגן דעם ווילן פון אייבירשטן. עפ"ל
- ציוניזם לייקנט אין דעם פינפטן אני מאמין, "לו לבדו ראוי להתפלל". ציוניזם זאגט אז תפלה העלפט נישט, מען דארף טון אליינס צו דער זאך.
- ציוניזם לייקנט אין די זעקסטע אני מאמין, "שכל דברי נביאים אמת". ציוניזם לייקנט אין דאס וואס די נביאים האבן נבואה געזאגט אז דער אייבערשטער אליין וועט אויסלייזן די אידן, און אז דער אייבערשטער שיקט אידן אין גלות צוליב זייערע זינד, און אז אויב מען זינדיגט אין ארץ ישראל ווערט מען אויסגעשפיגן פון דארט, און אין נאך פילצאליגע דברי נבואה.
- ציוניזם לייקנט אין די זיבעטע אני מאמין, "שנבואת משה רבינו עליו השלום היתה אמיתית וכו'". אזוי ווי געשריבן אויבן ביי די פריערדיגע.
- ציוניזם לייקנט אין דעם עלפטן אני מאמין, "שהבורא יתברך שמו גומל טוב לשומרי מצותיו ומעניש לעוברי מצותיו". ציוניזם זאגט אז מען קען זיך אליינס באפרייען פון דעם אייבערשטנ'ס שטראף, און לייקנט בכלל די גאנצע זאך אז אידן זענען באשטראפט געווארן צוליב די זינד. עפ"ל
- ציוניזם לייקנט אין דעם צוועלפן אני מאמין, "בביאת המשיח אני מאמין". ציוניזם זאגט אז דאס איז נישט אמת.
פרומע אידישע גרופּעס וואָס זענען קעגן אנערקענונג פון מדינת ישראל
סאַטמאַר
די סאַטמאַרער חסידישע באַוועגונג, וועמענס פריערדיגע רבי, רבי יואל טייטלבוים האט געשריבן אין די 1950ער און 1960ער יארן ספרים וואס טוט ברייט קריטיקירן איבער ציונות וי ויואל משה, על הגאולה ועל התמורה און נאך. סאטמער ציילט זיך מער ווי 130.000 מיטגלידער. דאס טוט נישט אַרייננעמען אַ נומער פון קלענערע און שייכות'דיגע אַנטי-ציוניסטישע חסידישע גרופּעס אין ניו יארק וואס פאררופן זיך מיטן סאַטמאַרן שיטה ווי למשל קהילת אודווארי, אוהל, איבראן, אפטא, ביקסאד, בעהוץ, גאלאנטע, דושינסקיא, דעעש, האדאס, וואדקערט, ווייטצן, חרידים, טאהש, טאלטשוב, טארנא, טעמעשוואר,טיסא-סאלקא, טשאטה, טשאקאווע, יאוואזשנע, לאנצוט, ליזשענסק, מישקאלץ, נאנאש, נייטרא, סאלקא, סעליש, סי-געיט, סיגוט, ספינקא, פאיע, פשעווארסק, קאפיש, קיוויאשד, קערעסטיר, קראלי, קרעטשניף, ראפשיץ, ריבניץ, שאפראן, שארמאש, תולדות אברהם יצחק, תולדות אהרן, תולעת יעקב,.
די התאחדות הרבנים איז אַן אמעריקאנער רבני'שע אָרגאַניזאַציע וואָס באשטייט בעיקר פון סאַטמאַר און עטליכע קלענערע אָבער ענליכע חסידישע גרופּעס. עס איז קאנצענטרירט אין ניו יאָרק'ס קרית יואל, וויליאַמסבורג און באָראָ פארק. אין 1986 האט די התאחדות הרבנים פובלעצירט די דאָזיקע דעקלאַראַציע:
- עס איז אונזער פליכט צו פאַרשילטן די וואס פאַררופן דעם נאָמען פון דעם אלמעכטיקער אין אַרויסגעוואָרפן. עס איז אונזער הייליק פליכט און אונזער מאָראַלישע פאַראַנטוואָרטליכקייט צו רופן אויף זיי: הערט אויף צו ניצן די פאַלשע שלייער און כפירה צו באַרעכטיגן דיך און דיינע שלעכטע מעשים. די איִדישע אמונה, ווי אריבערגעגעבן דורך דעם אלמעכטיקער צו אונזערע וועג ווייזערס האט נישט און וועט קיינמאָל שטיצן די ציוניסטישע און נאציאנאליסטישע דאָקטרינעס פון מדינת ישראל. די פאַלשע דאָקטרינעס זענען צוזאמענגעשטעלט פון אַטעיזם און אַנטי-פרומער ציוניזם, אידאעליזם פרעמד צו אידישקייט. זאל זיי נישט זיין פאַלש פארטרעטן צו דער וועלט ווי אידן.
נטורי קרתא
א קליינע גרופּע וואס האלטן די אנטי ציוניסטישע אידעאָלאָגיע איז נטורי קרתא, מיט באַזעס אין ירושלים, בית שמש און ניו יאָרק. אַן עקסטרעמע שטעלונג פון נטורי קרתא איז דאס וואָס זיי שטיצן דאס גייט מיט פאלעסטינער און אנדערע אנטי ציוניסטישע גוים צו פארשפרייטן זייער קעגנערשאפט צו מדינת ישראל ציווישן אנדערע האבן סיי זיך געטראפן מיטן אויסגעשפראכענע געוועזענע איראַנער פרעזידענט מאַכאמוד אַחמאַדינעדזשאַד און די פּאַלעסטינע באפרייען ארגאניזאציע (פי.על.או.) און כאַמאַס די באזוך אין איראן איז שטארק פארדאמט געווארן דורך געוויסע אנדערע אַנטי-ציוניסטישע חרדים, אַריינגערעכנט, סאַטמאַר און די עדה החרדית. עס זענען אויך דא רייבערייען אין די נטורי קרתא אליין, און קריטיק פון עטליכע מיט א מער עקסטרעמע שטעלונג.
דושינסקי
אין יולי 1947, ווייניגער ווי אַ יאָר בעפאר דער פאַקטישער גרינדונג פון מדינת ישראל, האט הרב יוסף צבי דושינסקי, וואס איז געווען די פירער פון די דושינסקי קהילה און דער אַשכּנזי'שער ראב"ד פון ירושלים, פון די עדה החרדית, אַ פערזענליכע דערקלערונג אויף נאמען פון די עדה החרדית צו די יו ען, דערקלרונג זיין "באַשטימטע אָפּאָזיציע צו אַ אידישער מדינה אין יעדן טייל פון פּאַלעסטינע." אין 2002, האט רבי ישׂראל משה דושינסקי, זון פון הרב יוסף צבי, געשריבן אַ הסכמה אויף אַ נייער מהדורה פון דעם סאַטמאַרער רבי'נס ספר ויואל משה.
שומר אמונים
שומר אמונים איז אַ פרומע חסידישע קהילה וואָס איז ענליך צו נטורי קרתא. עס איז געגרינדעט אין די 20'סטע יאָרהונדערט דורך רבי אַרעלע (אַהרן) ראָטה. באַזירט אין מאה שערים, ירושלים, און בני ברק. ענדלעך צו תולדות אהרן הגם דאָס איז אייגענטליך איינער פון זיין סוב-גרופּעס.
משכנות הרועים
משכנות הרועים איז אַ קליינע חסידישע גרופּע אין מאה שערים, ירושלים, (און רמת בית שמש בע"ט). עס איז באקאנט ווי אַ זייער אומבויגזאמע און פעראַנטווארטליכע פרומע גרופּע, באַוווסט פאַר זיין שטארקע אַנטי-ציוניזם, אַפילו ציווישן חרדדי'שע סטאַנדאַרדטן.
בריסק
די סאָלאָווייטשיק דינאַסטיע פון ליטווישע (נישט-חסידישע) חרדי'שע אידישקייט איז באקאנט ווי איינער פון די מערסט עליטע דינאַסטיעס פון די ארטאדאקסישע אידנטום. די דינאַסטיע האט זיך צוטיילט אין צוויי גרופּעס אין די 20'סטע יאָר הונדערט, ווי טיילן פון דער סאָלאָוועיטטשיק רבי'שע משפּחה איז אַוועק פון זייער אַנטי-ציוניסטישע מסורה שטעלן דורך רבי חיים סאָלאָוועיטשיק פון בריסק, און אליין אנגעהויבן קוקן מיט מאָדערן ארטאדאקסישע און רעליגיעזע ציוניסם. ברבות הזמן, האט די ציוניסטישע טייל פון דער בריסקער חסידות געווארן קאנצענטרירט אין די פאראייניגטע שטאַטן, און די אַנטי-ציוניסטישע טייל איז געווען און ווייטער געבליבן קאנצענטרירט אין ארץ ישראל. רבי אברהם יהושע סאָלאָוועיטטשיק און רבי דוד סאָלאָוועיטטשיק, וואס פירן צוויי פון די בריסקער ישיבות אין ירושלים, זעצן פאר צו זיין אנטשלאסענע קעגנערס פון ציוניזם.
ברעסלאָוו
די ירושלים באזירט גרופע פון דער ברעסלאָווער חסידישער קהילה געפירט דורך רבי יעקב מאיר שעכטער זענען מיטגלידער אין דער עדה החרדית, און אַנטקעגנשטעלט צו ציוניזם.
עדה החרדית
די עדה החרדית איז ירושלים איז די שירעם אָרגאַניזאַציע פון אַנטי-ציוניסטישע חרדים. עס איז כולל גרופּעס אַזוי ווי די ירושלים צווייג פון סאַטמאַר און דושינסקי און אויך ווייניגער אַנטי-ציוניסטישע גרופּעס אַזאַ ווי בריסק און (טיילן פון) ברעסלאָוו.
ליד אקעגן אנערקענונג פון מדינת ישראל
- דער באשעפער איז אוֹנזער קעניג, און צו אים זענען מיר קנעכט.
- די הייליגע תורה איז אוֹנזער לעבן, און צו אים זענען מיר פארפליכטעט.
- אין דער הערשאפט פון די כופרים טוען מיר נישט אנערקענען, טוען מיר נישט אנערקענען.
- און אין זייערע געזעצען טוען מיר נישט נאכגיין, טוען מיר נישט נאכגיין.
- אין די וועגן פון דער תורה וועלן מיר גייען, אין פייער און אין וואסער.
- אין די וועגן פון דער תורה וועלן מיר גייען, צו הייליגן דעם נאמען פונעם אייבערשטען! (מקור נטורי קרטא)
אלגעמיינע אידישע גרופּעס וואָס זענען קעגן אנערקענונג פון מדינת ישראל
רעפערענצן
דרויסנדע לינקס
- נטרונא (ענגליש)
- נטורי קרתא (ענגליש)
- ילקוט השבעתי אתכם (העברעאיש)
- חומת יהדות אירופה
- יהודים נגד ציונות
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!