רוי:דער קליינער פרינץ
דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "דער קליינער פרינץ".
דער קליינער פּרינץ (פראנצויזיש: Le Petit Prince; ערשט פאַרעפנטליכט אין 1943) איז דאָס סאַמע באַרימטע בוך פונעם פראנצויזישן פּילאָט און שרייבער אנטואן דע סענט-עקזופערי.
כאָטש עס איז געשריבן און אילוסטרירט ווי אַ קינדער בוך פאַרמאָגט "דער קליינער פּרינץ" אַ סך ערנסטע געדאַנקען וועגן לעבן און ליבע, וואָס מאַכן עס ניט אַזוי קלאָר צי ס'איז טאַקע א קינדער בוך. די ווידמונג "פאַר לעאָן ווערט, ווען ער איז געווען אַ יונג קינד" ווינקט אַז דאָס בוך איז אַ מין נאָסטאַלגישער דענקמאָל פון די דערוואַקסענע ליינער, און נישט דווקא פאר קינדער.
די געשיכטע איז וועגן אַן אויסגעטראַכטער פּאַסירונג אין וואס דער דערציילער (סענט-עקזופּערי) געפינט זיך אַריינגעזעצט אינעם מדבר סאַהאַראַ נאָך אַ פּראָבלעם מיט זיין עראָפּלאַן, וואו ער געפינט אַ מאָדנע קינד - דעם קליינעם פּרינץ, דעם הויפּט כאַראַקטער. אין זייערע שמועסן אַנטדעקט דער שרייבער זיין אָנשויאונג וועגן דער אומלאָגיקייט וואָס מענטשן אָפט דעמאָנסטרירן, און די פּשוטע אַקסיאָמען וואָס דערוואַקסענער אָפט פאַרגעסן. סענט-עקזופּערי איז טאַקע געווען אַ פּילאָט און האָט געלאַנדעט אַן עמערגענץ לאַנדונג אינעם סאַהאַראַ. שפּעטער איז ער אומגעקומען ווען זיין עראָפּלאן האָט געקראַכט אין די צווייטע וועלט-מלחמה.
די מאָלערייען אינעם בוך וואָס אילוסטרירן דעם קליינעם פּרינץ און די הויפּט ערשיינונגען זענען געצייכנט געוואָרן דורך דעם שרייבער אַליין און געבן דעם בוך א באזונדערן כאַראַקטער.
יידישע אויסגאבע
דאָס בוך איז איבערגעזעצט געוואָרן אויף יידיש פון שלמה לערמאַן, און איז ערשט פאַרעפנטליכט געוואָרן אין 2000.[1]
וועבלינקען
רעפערענצן
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!