פערדינאַנד דער צווייטער (אַראַגאָנעזיש: Ferrando; קאַטאַלאָניש: Ferran; באַסקיש: Errando; שפּאַניש: Fernando; 10טן מערץ 1452 – 23סטן יאנואר 1516), גערופן דער קאטויל (שפּאַניש: el Católico), איז געווען קעניג פון אראגאן[1] פון 1479 ביז זיין טויט. זיין חתונה אין 1469 מיט איזאַבעלא, די צוקונפטדיקע קעניגין פון קאסטיל, איז געווען פאליטיש דער "גרונטשטיין אין דער פונדאציע פון דער שפאנישער מאנארכיע".[2] צוליב זיין חתונה מיט איזאַבעלא די ערשטע, איז ער געווארן אויטאמאטיש de jure uxoris קעניג פון קאסטיליע ווי פערדינאנד דער פינפטער פון 1474 ביז איר טויט אין 1504. ווען איזאבעלא איז געשטארבן איז דער קרוין פון קאסטיל אריבער צו זייער טאכטער יאהאנא. נאכן טויט פון יאהאנא'ס מאן פיליפ דער ערשטער פון שפאניע, און אז זי איז געווען כלומר'שט משוגע, האט מען אנערקענט פערדינאנד ווי רעגענט פון קאסטיליע, פון 1508 ביז זיין אייגענעם טויט. אין 1504, נאך א מלחמה פון פראנקרייך, איז ער געווארן קעניג פון נאפאלי ווי פערדינאנד דער דריטער, און האט ווידעראמאל פאראייניגט נאפאלי מיט סיציליע אויף אייביג, און צום ערשטן מאל זייט 1458. אין 1512, נאך א מלחמה מיט פראנקרייך, איז ער געווארן קעניג פון נאווארע דורך אייננעם.
