אונטערשייד צווישן ווערסיעס פון "רוי:רבי נחמיה אלטער"

רבי '''נחמיה אלטער''' ([[ח' אב]] [[ה'תרל"ה]] - [[כ"ב תמוז]] [[ה'תש"ב]]) איז געווען א זון פונעם [[יהודה אריה לייב אלטער|שפת אמת]] און א ר"מ אין דער [[שפת אמת ישיבה]] אין [[ירושלים]].

רבי נחמיה איז געבוירן געווארן ח' אב תרל"ה צו זיין פאטער רבי [[יהודה אריה לייב אלטער]], דער "שפת אמת", אן אייניקל פון רבי [[יצחק מאיר אלטער]], דער ערשטער [[גער (הויף)|גערער]] רבי, און צו זיין מוטער יוכבד רבקה, א טאכטער פון ר' [[יודל קאמינער]].  

ער האט חתונה געהאט ד' אלול תר"ן מיט מרת אסתר גליקא מארגנשטערן, א טאכטער פון רבי [[צבי הערש מארגנשטערן]], דער [[לאמאז]]ער רבי, א זון פון רבי [[דוד מארגנשטערן]], דער צווייטער [[קאצק (הויף)|קאצקער]] רבי, א זון פונעם אלטער קאצקער רבי'ן, רבי [[מנחם מענדל מארגנשטערן]].

אין  תרפ"ה איז ער ארויף אין [[ארץ ישראל]], וואו ער האט זיך באזעצט אין [[צפת]]. א יאר שפעטער האט מען אים באשטימט א מגיד שיעור אין דער נייער [[שפת אמת ישיבה]] אין ירושלים. אין תרצ"א איז ער צוריקגעפארן קיין פוילן צוליב זיין שוואכן געזונט צושטאנד. אין תרצ"ד איז ער געווארן א [[מורה הוראה]] אין [[לאדזש]]. ווען די [[צווייטע וועלט מלחמה]] האט אויסגעבראכן און די נאצי רעגירונג האט אויפגעשטעלט א [[יודנראט]] איז ער געווען דער ערשטער פון די רבנים וואס האבן אפנטליך דערגעגנט צום יודנראט. וועגן די רדיפות פון די דייטשן איז ער אנטלאפן קיין [[ווארשע]]. דארט איז זיין הארץ מחלה געווארן ערגער און ער איז נפטר געווארן אין תש"ב.{{הערה|[http://www1.yadvashem.org/odot_pdf/Microsoft%20Word%20-%203472.pdf יידישע היסטאריע ביי דער צווייטע וועלט מלחמה, יד ושם] {{לינקשפראך|העברעיש}}}}.

[[קאַטעגאָריע:פוילישע רבנים]]