רוי:שמואל רעשעווסקי
שמואל רעשעווסקי (26סטן נאוועמבער, 1911 – 4טן אפריל, 1992) איז געווען א שאך-מייסטער און וואונדער-קינד וועלכער האט שוין אין א אינגען עלטער געשפילט שאך קעגן געלערנטע שאך-שפילער.
יוגנט יארן
שמואל איז געבוירן אין אזארקאוו, פוילן, א שטאט נעבן לאדזש, צו זיינע עלטערן, גערער חסידים.
ווען ער איז געווען בלויז פינף יאר אלט, האט ער שוין געשפילט שאך ווי א מייסטער. גאר שנעל איז ער באקאנט געווארן אלס א וואונדער-קינד מיט אויסגעווענליכע טאלאנטן אין שאך. ביי די זעקס יאר האט ער שוין געשפילט קעגן ערוואקסענע, און ביי די אכט האט ער זיך שוין פארמאסטן קעגן געלערנטע שאך-עקספערטן.
זיין ערשטע פארשטעלונג איז געווען אין וויען, וואו ער האט זיך פארמאסטן מיט עטליכע שאך-עקספערטן.
זיינע עלטערן האבן זיך שפעטער געצויגן קיין אמעריקע וואו ער איז ארומגעפארן דאס לאנד צו פילע שאך פארמעסטן. ער האט פארלוירן בלויז אכט פון 1,500 שפילן! ער איז גערופן געווארן צו פילע פראמינענטע ערטער אריינגערעכנט א באזוך צום ווייסן הויז, וואו ער האט זיך געטראפן מיט פרעזידענט הארדינג.
עלטערע יארן
נאך זיין חתונה האט ער זיך באזעצט אין קראון הייטס. וואוינענדיג אין קראון הייטס האט ער געדאווענט אין 770, וואו ער האט אנגעקניפט א קשר מיט'ן זעקסטן ליובאוויטשער רבי'ן, רבי יוסף יצחק מליבאוויטש זצ"ל. ער פלעגט אסאך אנקלינגען אין רבינ'ס שטוב זיך מזכיר זיין בעפאר א שאך-פארמעסט.
ער האט געשריבן זיבן ביכער איבער שאך, און ער איז געווען אן אפיציעלער קאלומניסט איבער שאך אין פילע פרעסטיזשפילע צייטונגען, אריינגערעכנט די ניו יארק טיימס.
מיט דער צייט האט זיך רעשעוועסקי אפגעלאזט פון שאך שפילן, און ער האט זיך אריבערגעצויגן וואוינען אין מאנסי, וואו ער האט געוואוינט די לעצטערע יארן פון זיין לעבן, שטילערהייט, אלס פרומער איד.
וועבלינקען