רוי:רחל שארעץ
דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "רחל שארעץ".
רחל שאָרעץ (העברעיש: רחל-לאה שורץ, ענגליש: Rochelle Lee Shoretz; 27סטן יולי 1972, ברוקלין, ניו יארק - 31סטן מאי 2015[1] טינעק, ניו דשזערסי) איז געווען אן אמעריקאנער אדוואקאט און גרינדער און דירעקטאָר פֿון "שרשרת", אן אָרגאניזאציע וואָס שטיצט יונגע ייִדישע פרויען מיט ברוסט-קרעפס (ברוסט-קענסער).[2]
ביאגראפיע
רחל שארעץ איז געבוירן געוואָרן אין ברוקלין, ניו יארק צו איר פאטער משה (מאריס) שארעץ און איר מוטער שערי (סעריל, איצט: שערי טאנענבאום). זי האט געלערנט אין "שולמית" (אַ פרומע שולע פאר מיידלאך), און דערנאכדעם אין בארנארד קאלעדזש, און אין דער קאלאמביע געזעץ שולע. בשעת זי האט געלערנט געזעץ, איז זי געווען א רעדע שרייבער פאר דוד דינקינס,[3] און האט פארהייראט איר מאן, יונתן (תאני) מירסקי. זיי האבן געהאט צוויי קינדער.
שאָרעץ איז געווען געריכט העלפער אין דעם העכסטן געריכט פון די פאראייניגטע שטאטן, און האט דארטן געארבעט פאר רות בעדער-גינזבורג אין 1998 און 1999. זי איז געוואָרן די ערשטע ארטאדאקס־יידישע פרוי וואס האט געארבעט אלס געריכט העלפער אין דעם העכסטן געריכט.[4]
אין 2001, באַלד נאָך איר שטעלע אלס געריכט העלפער אין דעם העכסטן געריכט, אין עלטער 28, שאָרעץ האט אַנטדעקט אַז זי האט ברוסט-קרעפס.[5] שאָרעץ האָט געגרינדעט שרשרת אין 2001, פֿאַר יונגע ייִדישע פרויען מיט קרעפס. שרשרת איז געוואקסן און איז געווארן אַ נאציאנאלע אָרגאַניזאַציע, מיט אַ יערלעך בודזשעט פון איבער 2 מיליאן דאלארן.
אין 2003, זי איז געווען אויסגעקליבן אלס א "Woman to be Watched" " דורך "יידישע פרויען אינטערנאַציאָנאל".[6]
רעפערענצן
- ↑ Sam Roberts, "Rochelle Shoretz, Founder of Cancer Support Group, Dies at 42," New York Times (June 2, 2015)
- ↑ Idit Klein, "We Remember: Rochelle Shoretz" Jewish Women's Archive.
- ↑ Sandy Eller, "Rochelle Shoretz: A Life of Inspiration" 5 Towns Jewish Times June 4, 2015.
- ↑ "Rochelle Shoretz, Sharharet Founder and Cancer Advocate, is Dead at 42" Jerusalem Post, June 1, 2015.
- ↑ Jonathan Zalman, "Remembering Rochelle Shoretz, the Founder of Sharsheret, a Cancer Support Group" Tablet Magazine, June 4, 2015).
- ↑ Abigail Klein Leichman, "Strongest 'Link'" Jewish Standard, November 28, 2003 : 3.