רוי:סאשע טייטלבוים

רביצין סאשע טייטלבוים (געב' י' אלול ה'תש"ח , 14טן סעפטעמבער 1948) איז די ווייב פונעם סאטמארער רבי'ן, רבי אהרן טייטלבוים.

לעבנס געשיכטע

רעבעצין סאשא, איז געבוירן געווארן אין בני ברק אין יאר צו איר פאטער, דער פריערדיגער וויזשניצער רבי, רבי משה יהושע האגער זצ"ל און צו איר מוטער מרת לאה אסתר ע"ה, די טאכטער פון רבי חיים מנחם מענדל פאנעט פון דעעש און מרת סאשא (נאך וועמען זי הייסט) הי"ד.

אלס מיידל האט זי געלערנט אין דער וויזשניצער בית יעקב שולע אין בני ברק. אין כ"א סיון ה'תשכ"ו האט זי חתונה געהאט מיט איר מאן דעם צוקונפטיגן סאטמארער רבי, רבי אהרן טייטלבוים. די גרויסארטיגע חתונה איז געפראוועט געווארן אין קרית וויזשניץ, אין באטייליגונג פון טויזנטער חסידים פון ביידע הויפן - וויזשניץ און סאטמאר. אומגעפער א יאר נאך דער חתונה האבן זיי זיך אוועקגעצויגן אין אמעריקע. זי איז באקאנט אלס א גרויסע עסקנטע צו העלפן אידישע משפחות אפט מאל ביז מסירת נפש.

זי איז באוואוסט מיט איהר וויסנשאפט אין רפואה און גוטע פארבינדונגען מיט די בעסטע דאקטוירים, און העלפט א סאך קראנקע מענטשן. יעדע וואך פארט זי ארום צו פארשידענע שפיטעלער, כדי צו באזוכן און מחזק זיין קראנקע מענטשן און צעבראכענע נשמות. דערצו האט זי אויך געגרינדעט איהר צדקה ארגאניזאציע מיט דעם נאמען "אהבת חסד".