תשרי איז איין פון א מינדערהייט חדשים וואס זייער נאמען ווערט אינגאנצן נישט דערמאנט אין תנ"ך. פון די אנדערע זייט, ווערט עס דערמאנט מיט א באזונדערן טערמין, "ירח האיתנים", אינאיינעם מיט חודש זיו און ירח בול, אין די קאפיטלען אין ספר מלכים וועלכע דערציילן דאס אויפבוי פון ערשטן בית המקדש. די נעמען ווערן נישט געניצט אין אנדערע פלעצער אין תנ"ך אבער מען טרעפט זיי אין פיניקישע אויפשריפטן.
