רבי אליעזר צבי סאפרין
רבי אליעזר צבי סאפרין (גערופן: רבי אליעזר'ל קאמארנער; ה'תק"צ – כ"ד אייר ה'תרנ"ח) איז געווען דער דריטער קאמארנער רבי, מחבר פון א רייע ספרי קבלה און חסידות, "דמשק אליעזר" און "זקן ביתו".
.png) | |||||
| זיין ניי-אויפגעשטעלטער ציון, אין שטאט קאמארנא | |||||
| געבורט |
ה'תק"צ סאמבור | ||||
|---|---|---|---|---|---|
| פטירה |
כ"ד אייר ה'תרנ"ח (אלט: 68 בערך) קאמארנא | ||||
| מקום קבורה | קאמארנא | ||||
| וואוין אָרט | קאמארנא | ||||
| רבי'ס | רבי משה פון סאמבור, רבי יהודה צבי פון ראזלא, רבי אייזיקל זידיטשויבער | ||||
| |||||
ביאגראפיע
רבי אליעזר'ל איז געבוירן אין שטאט סאמבור צו רבי יצחק אייזיק יהודה יחיאל און גיטל, א טאכטער פון רבי אברהם מרדכי פון פינטשאוו, א תלמיד פונעם חוזה פון לובלין. אלס קינד האט ער שוין געלערנט קבלה, אינאיינעם מיט זיין טאטן.
אין יאר תר"א האט ער חתונה געהאט מיט חנה שרה (נפטר געווארן ב' שבט תר"נ), טאכטער פון רבי יוסף שעהנער פון טורקא, אן איידעם פונעם מגיד רבי מנחם מאניש פון דראהביטש, און אייניקל פונעם 'מגלה עמוקות'.
ער האט זיך מדבק געווען צו זיין עלטער־פעטער רבי משה סאמבורער, בעל 'תפילה למשה', און צו זיין זון רבי יהודה צבי, דער ראזלער רב, און צו רבי יצחק אייזיק פון זידיטשוב א שוועסטער-קינד פון זיין טאטן.
ח' אייר תרל"ד, צוויי טאג איידער זיין טאטנ'ס פטירה, האט זיין טאטע איבערגעגעבן א צוואה פאר זיין רביצין חנה שרה, בנוגע די המשך ההנהגה: "מיין זון רבי אליעזר'ל זאל זיצן אויף מיין פלאץ, און ער איז ראוי צו ממלא מקום זיין און ממשיך זיין דעם שושלת הקודש, און מ'זאל אים אנטון מיט ווייסע קליידער, כמנהג תלמידי הבעל שם טוב".
נאך רבי אייזיקל'ס פטירה האבן די חסידים טאקע אויפגענומען רבי אליעזר'ל אלס רבי. אין אנהייב פון די הנהגה פלעגט ער פארן צום צאנזער רב.
ער איז נסתלק געווארן כ"ד אייר ה'תרנ"ח און באגראבן געווארן נעבן זיין טאטנ'ס ציון אין דעם בית החיים אין קאמארנא. זיין זון רבי יעקב משה האט ממשיך געווען די הנהגה.
דער בית החיים איז חרוב געווארן דורך די נאציס ביים חורבן אייראפע. אין די תש"נ יארן, מיט באמיאונגען דורך רבי משולם פייש לאווי דער טאהשער רבי, איז אויפגעבויט געווארן אן אהל אויף זיין מצבה, צוזאמען מיט די מצבות פון זיין טאטן, זיין זון רבי יעקב משה, און זיין אייניקל רבי ברוכ'ל.
זיינע קינדער
- זיין זון רבי מנחם מאניש סאפרין פון פעלשטין
- זיין זון רבי אברהם מרדכי פון באריסלאוו-קאמארנא
- זיין זון און ממלא מקום רבי יעקב משה פון קאמארנא
- זיין זון רבי פנחס נתן פון רידיק
- זיין איידעם רבי יהודה צבי טויב פון ראזלא, אייניקל פון רבי אייזיקל קאלובער.
- זיין איידעם רבי משה פון שאץ.
זיינע ספרים
צו ליינען מער
- הרב ישראל פרנקפורטר, "שפע ברכה והצלחה", אין: שלשלת קאמארנא, עמ' קס"ב-ר"נ, ירושלים תשס"א
- מאיר וואונדער, "ר' אליעזר צבי ב"ר יצחק איזיק יהודה יחיאל ספרין", אנציקלופדיה לחכמי גליציה ג (באגרעניצט צו באַצאָלטע אַבאָנענטן)
- מנשה יצחק מאיר שיף, הילולא קדישא אייר (באגרעניצט צו באַצאָלטע אַבאָנענטן)
- יעקב הייזלער, "אור מופלא", המבשר תורני 0492, פרשת בהר, י"ט אייר תשע"ח
- יצחק אלפסי, "רבי אליעזר צבי ספרין מקומרנא", אנציקלופדיה לחסידות א (פארלאנגט אומזיסטע רעגיסטראַציע)
דרויסנדע לינקס
- אליעזר צבי סאפרין (1830-1898), אויפ'ן וועבזייטל פון דער מדינת ישראל נאציאנאלער ביבליאטעק
cc-by-sa 3.0 ערלויבעניש • אריגינעלער בלאט • ביישטייערער