רוי:וועראזאנא נערויס בריק
די וועראַזאַנא נערויס בריק (ענגליש: Verrazzano-Narrows Bridge) איז א טאפעלטע שטאק אויסגעצויגענע בריק וואס פירט פון ברוקלין קיין סטעטן איילענד אין ניו יארק איבער די טייל וואסער וואס הייסט נערויס. די נאמען איז נאך די איטאליענישע זוכער זשיאוואני די וואראזאנא די ערשטע באוואוסטע אייראפעאישער זוכער צו קומען איבער ניו יארקער וואסערן. די בריק האט א מיט-שפאן פון 4260 פוס לאנג, און איז געווען די לענגסטע בריק פון די צייט וואס מען האט דאס געענדיגט אין 1964 ביז 1981. עס איז היינט די זיבעטע לענגסטע בריק אין די וועלט און די לענגסטע אין אמעריקע. די בריק - צוליב איר גרויסקייט - קען געזען ווערן אין א יעדע בארא פון ניו יארק סיטי, כמעט אלע שיפען וואס קומען קיין ניו יארק אדער ניו דזשערסי האפןס מוזען אונטער פארן די בריק. עס איז אויך באוואוסט אלס די אנפאנג פון די ניו יארק סיטי מאראטאן.
היסטאריע
די בריק געהערט פאר ניו יארק סיטי אונטער די טרייבארא בריזש און טונעל אויטאריטי. די שנעל שטראז אינטערסטעיט 278 פארט אריבער אויף דער בריק. די בריק באהעפט די סטעטען איילענד עקספרעסוועי מיט די גואוונעס עקספרעסוועי. די וואראזאנאו צוזאמען מיט די אנדערע דריי הויפט בריקן פון סטעטען איילענד האבן באשאפן א נייע גרינגערע וועג פאר מענטשן פון ניו דזשערסי צו פארן קיין ברוקלין און לאנג איילענד.
די בריק איז געווען די לעצטע גרויסע ארבעט פון דעמאלטסדיגע ניו יארק סיטי פארקס קאמישינער ראבערט מאסעס וואס ער האט שטארק געוואלט אז דאס זאל געבויט ווערן כדי צוציענדיגען די עקספרעסועי סיסטעם אין ניו יארק וואס איז אויך געווען בעיקר אים צו פארדאנקן.
די דיזיין פון דער בריק איז געווען דורך אטהמאר אמאנן וואס האט אויך דיזיינד רוב פון די אנדערע ניו יארק סיטי בריקן איינגעשלאסן די זשארזש וואשינגטאן בריק, ביאין בריק, בראנקס וויטסטאון בריק, טרייבארא בריק, און די טראגס נעק בריק. דאס איז געווען זיין לעצטע פראיעקט.
ווען מען האט פלאנירט די בריק איז געווען א שטיקל טומעל ביי די איינוויאנער פון בעי ריזש וואס האבן געוויאנט אויף די פלאץ ווי די בריק שטייט וויבאלד זיי האבן דארט געוויאנט און זיי האבן זיך נישט געוואלט אוועקצוען.
מען האט אנגעפאנגן בויען די בריק דעם 13טן אויגוסט 1959. און די אויבירשטע שטאק האט זיך געעפענט דעם 21סטן נאוועמבער 1964 פאר איבער $320,000,000. די אונטערשטע שטאק האט זיך געעפנט דעם 28סטן יוני 1969. די בריק איז דאן געווען די לענגסטע בריק אין דער וועלט איבערנעמענדיג די טיטל פון די גאלדען געיט בריק ביז 1981 ווען די האמבער בריק אין ענגלאנד האט דאס איבערגענומען.
לויט דעם פאראייניגטע שטאטן דעפארטמענט אוו טראנספארטאציע:
- יעדער איינער פון די צוויי טורעמעס האבן 1,000,000 שרויפן און 3,000,000 נעגל (ריוועטס).
- די ברייט פון יעדע פון די פיר אויסגעצויגענע שטריקן איז 36 אינטשעס.
- יעדע איינע פון די פיר אויסגעצויגענע שטריקן איז צוזאמען געשטעלט פון 26,108 פעדעמער, וואס קומט אויס 143,000 מיילן לאנג.
- צוליב די הויך פון די טורמעס - 690 פוס הויך - און די ווייטקייט איינס פון די אנדערע - 4260 פוס - האט מען געמוזט אריינעמען די רונד פון די ערד אין די חשבון ווען מען האט געבויט די בריק.
- צוליב די נאטורליכע צוזאמענציעכטס און אויסשפרייטעכטס פון היץ און קעלט, איז די בריק 12 פוס נידריגער אין די זוממער ווי אין די ווינטער.
נאמען פון דער בריק
באנוץ
די איינוועג אפצאל אויף צו נוצן די בריק - וואס מען באצאלט אויף די מערב ריכטונג פארענדיג פון ברוקלין אויף סטעטען איילענד - איז $9.00 פאר קארס און $4.00 פאר מאטארביציקליך. איזיפאס באנוצער באקומען א הנחה פון $1.00 פאר קארס און $0.50 פאר מאטארביציקליך. פאר איינוויאנער פון סטעטען איילענד איז דא א נידריגערע פרייז.
ביז 1986 איז די אפצאל אפגענומען געווארן אויף ביידע ריכטונגען, אבער נאך טענות פון די איינוויאנער אז דאס וואס קארן דארפן זיך אפשטעלן צופיל שעדיגט די לופט האט מען געמאכט די פאצאל נאר אויף איין ריכטונג.
די ארגינעלע פלענער פון דער בריק האבן געהאט א וועג פאר מענטשן און ביציקלען, אבער די פלענער זענען קיינמאל נישט פארווירקליכט געווארן. אין אקטאבער 2003 האט מעיאר מייקל בלומבערג צוגעזאגט ער וועט זען וואס קען געטאן ווערן דאס צו פארווירקליכען.
דרויסנדע לינקס
- ניו יארק סיטי אפציעלע זייט
- ניו יארק סיטי ראודס
- טראנספיטעשאן אלטארניטיוו וואראזאנא פרופייל
- סטרוקטורע
- די נאמען
- וועראזאנא ווער 40
- בילדער
- גוגעל מאפע
- יאהו מאפע
- הימעל בליק
- סעטעלייט בילד: גוגל.
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!