רוי:רבי חיים יהושע האלבערשטאם
| געבורט |
1966 (יארגאנג: 58 בערך) ה'תשכ"ו |
|---|---|
ביאגראפיע
ער איז א זון פון הרב יעקב יוסף האלבערשטאם, דער רב פונעם ביהמ"ד בית חיים יושע אין בארא פארק, און זיין ווייב מרת שרה (טאכטער פון רבי אהרן טייטלבוים).
ער איז אן איידעם פון רבי משה טייטלבוים, דער "ברך משה" פון סאטמאר.
זיין שפראך איז שטארק גאליציאנער ווייל ער שטאמט פון באבאוו, ער איז אן אייניקל פונעם צווייטן באבאווער רבי דעם קדושת ציון זצ"ל הי"ד.
ער איז געווארן אויפגענומען אלס רב אין מאנסי חשון תשנ"ו און ער האט דעמאלטס איבערגענומען א שוואכע קהילה אבער אין די לעצטע צען יאר האט ער באוויזן דאס אויפצוארבעטן מיט א שיינער גרויסער קהילה פון אריבער 650 משפחות און א ישיבה פון אריבער 150 בחורים, און אויפגעבויט א שיינעם גרויסן ביהמ"ד אינמיטן דער שטאט מאנסי וואו עס איז דער לייכט־טורעם אין דער גאנצער שטאט. ווי אויך א נעץ פון גרויסע בנינים פאר די מוסדות ת"ת מיט א הערליכער חתונה זאל (עטרת חי' שרה) און איבערגעבויט דעם אלטן בית המדרש פאר א ישיבה פעסטונג און נאך בנינים וואס בויעט זיך לאור דעם גרויסן פארלאנג וואס וואקסט יעדעס יאר.
נאך דער פטירה פון זיין שווער דער ברך משה כ"ו ניסן תשס"ו איז ער געווארן אויפגענומען כאילו דער אדמו"ר פון דער סאטמארער קהילה אין מאנסי, וואו ער פירט טיש און נעמט קוויטלעך, ווייל זיין שווער דער ברך משה האט אים געזאגט אז ער גיט אים מאנסי אלס אויסשליסליכער בעה"ב.
ער האלט יעדן טאג אין דער ישיבה גדולה מתיבתא ויואל משה סאטמאר מאנסי תחת נשיאתו דעם באוואוסטן שיעור אין ספר חובת הלבבות וואס ווי באקאנט איז ער שטארק דבוק אין דעם ספר; עס איז שוין ארויס געקומען חובת הלבבות ח"א מיטן פירוש נפש חיה צוזאמגעקליבן זיינע שיעורים, אזוי אויך איז שוין ארויס געקומען א ספר אויף מועדים ח"א אין אויף יו"ט שבועות, חנוכה, ועוד.
ער איז פון די חשוב'סטע רבנים אין שטאט מאנסי און מען רעכענט זיך מיט זיינס א מיינונג. אזוי אויך איז ער באוויסט אלץ גיוואלדיגער פה מפיק מרגליות, און מען רופט אים איבעראל פאר דרשות
משפחה
רבי חיים יושע האט צוויי טעכטער.
- סימא פראדל ווייב פון הרב נפתלי צבי מייזליש א ווייצענער סיגעיטר אייניקל, זון פון ר' פנחס מרדכי.
- ברכה ווייב הרב שלום יחזקאל שרגא רובין א ציעשנאווער אייניקל, זון פון ר' יצחק טוביה.
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!