רוי:חנוך לנער
חנוך לנער איז א בוך אויף דער אידישער שפראך מיט פרינציפן און אנווייזונגען פאר חינוך, ארויסגעגעבן דורך די רעדאקציע פון מעלות.
הינטערגרונט
זינט איר גרינדונג, איז ערשינען אין דער "מעלות" א מאנאטליכער קאלום איבער חינוך, מיטן נאמען "חנוך לנער". לויט די עדות פון די מעלות רעדאקציע, איז דאס געווען דער פאפולערסטער און נוצליכסטער קאלום אין די אויסגאבע[1]. די סעריע האט זיך אנגעהויבן מיט די יסודות פון חינוך, וואס זענען - לויט זיי - צוטרוי, דיסציפלין, און ליבשאפט.
אנגעבנדיג אז די ליינער פון די שפעטערע נומערן, ווען עס זענען שוין בעיקר אדרעסירט געווארן ספעציפישע פראבלעמען וועלכע טרעפן זיך אפט, נויטיגן זיך ערשט אין די יסודות אוועקגעשטעלט אין די ערשטע נומערן, האט די רעדאקציע צונויפגעזאמלט אלע ארטיקלען פון דורכאויס די יארן אין א בוך מיטן זעלבן נאמען, "חנוך לנער". צווישן די בלעטער, אין זייטיגע קעסטלעך, איז בייגעלייגט פראקטישע "טיפס" און קורצע עצות פונעם קאלום "על פי דרכו".
דאס בוך אנטהאלט 350 זייטן, און איז געדרוקט געווארן אין די פאראייניגטע שטאטן, 2013.
אינהאלט
דאס בוך באשטייט פון דריי טיילן:
- די יסודות פון חינוך, וואס איז צעטיילט אין דריי: אמת (צוטרוי), דין (דיסציפלין), און שלום (ליבשאפט)
- דרך ארץ, א לענגערע אפהאנדלונג איבער באזייטיגן חוצפה פון שטוב און איינפירן דרך ארץ
- צו ג-ט און צו לייט, איבער אזעלכע מידות קנאה און הכרת הטוב, און סאציאלע טאלאנטן
רעפערענצן
- ↑ חנוך לנער, פארווארט
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!