רוי:רבי אלטער זאב הורוויץ
רבי אלטער זאב הורוויץ זצ"ל (ה'תר"י - י"ד ניסן ה'תר"צ), רב אין סטריזשעוו.
אפשטאם
רבי אלטער'ל איז געבוירן אין יאר ה'תר"י (אומגעפער), צו זיין פאטער הרב אברהם הורוויץ רב אין שענדישאוו, א זון פון הרב יעקב הורוויץ רב אין מעליץ, הרב רבי נפתלי צבי הורוויץ דער ראפשיצער רב. און צו זיין מוטער מרת פרידא, א טאכטער פון הרב אברהם זאב וואלף פרענקל, דער משיב כהלכה.
רבנות
אין יאר ה'תרמ"ב ווען דער דאמאלסדיגער סטריזשעווער רב - הרב רבי שלמה שפירא - איז געווארן רב אין מונקאטש, נאכהער וואס די סטריזשעווער געמיינדע האט נישט באקומען קיין פאזיטיוון אנטווארט פון מונקאשער רב, ער זאל צוריק קומען אדער שיקן זיין זון הרב רבי משה יהודה ליב שפירא אלס רב, האבען זיי אויפגענומען רבי אלטער'ל רב אין סטריזשעוו. נאך וואס רבי אלטער'ל איז שוין געווען אויפגענימען אלס רב, איז דער מונקאשער רב געקומען מיט זיין זון און אים געמאכט רב. א שארפע קריגעריי האט זיך געשאפען צווישן די שטיצערס פון די צוויי רבנים. א לאנגע אויסגעצויגענע דין תורה איז פארגעקומען, דער דיין פון רבי אלטער'לס זייט, הרב משה אפטער פון טארנא, און דער בורר הרב דוד כהן ראפאפארט פון ראווא האבן ארויסגעגעבן א פסק אז דאס רבנות איז פון רבי אלטער'ל, צו דעם האט צוגעשטימט דער מהרש"ם און דער בית יצחק, דאגעגען האט דער דיין פון פון רבי משה לייב, דער דיין פון בערעגסאז ארויסגעגעבן א פסק אז דאס רבנות איז פון רבי משה לייב, מיט אים האט מיטגעשטימט דער מנחת אלעזר און נאך פארשידענע רבנים פון אונגארן.
הסתלקות
רבי אלטער'ל איז נפטר געווארן אין סטריזשעוו, ערב פסח י"ד ניסן ה'תר"צ, אין ער ליגט אין דארט.
פאמיליע
רבי אלטער'ל האט געהייראט מרת יהודית א טאכטער פון הרב סענדער ראדימישלער פון מעליץ. זיירע קינדער:
- הרב חיים יהודה הורוויץ (ה'תר"ם (אומגעפער) - ה'תש"ג), פון ריישא.
- מרת חנה, די ווייב פון הרב יוסף חיים פרענקל, פון שענדישאוו.
- מרת צפורה, די ווייב פון הרב חיים יוסף אייכנשטיין, פון קליווא.
- מרת רחמה מירל, די ווייב פון הרב נפתלי אונגאר פון ניימארקט בזיווג שני די ווייב פון הרב מאיר לייפער פון לאס אנדזשעלעס.
- מרת מלכה, די ווייב פון הרב נפתלי חיים האלבערשטאם, א זון פון הרב רבי אלישע האלבערשטאם, רב אין גארליץ.
- מרת רחל, די ווייב פון הרב יעקב האלבערשטאם, א זון פון הרב רבי יחיאל נתן האלבערשטאם פון בארדיוב.
- מרת פריידא, די ווייב פון הרב חיים הורוויץ א זון פון הרב מנשה הורוויץ פון ראזוואדאוו און ריישע.
- מרת תרצה די ווייב פון הרב יחיאל עפשטיין א זון פון אזשעראווער רבי'ן.
רעפערענצן
- אנציקלופדיה לחכמי גליציה, מאיר וונדר
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!