רוי:רבי כתריאל דוד קאפלין
דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "רבי כתריאל דוד קאפלין".
הרב כתריאל דוד קאפלין (חוה"מ סוכות תרצ"ב - י"ד אייר תשס"ו, 2006) איז געווען א דיין אין דעם לאנדאנער בית דין; אין זיינע לעצטע יארן איז ער געווען ראש ישיבה פון ישיבת תורת חכם אין ירושלים.
ביאגראפיע
הרב קאפלין איז געבוירן געווארן אין ענגלאנד, צו זיין פאטער ר' נח קאפלין, א זון פון ר' משה אהרן פינחס קאפלין, א זון פון הרב נחום מגיד. ער האט געלערנט אין דער געיטסהעדער ישיבה און אין חברון ישיבה. נאכהער האט ער געלערנט אין געיטסהעד כולל. אין די תר"כ יארן איז ער געווען איינער פון די רעדאקטארן פונעם תורה זשורנאל "הד אליהו" וואס די תלמידים פון הרב אליהו אליעזר דעסלער האבן ארויסגעגעבן.
ער איז געווען רב פון דער "שומרי הדת" שול אין העמפסטעד, לאנדאן. קורץ נאך ווען ער אויפגענומען דעם אמט האט מען אים גערופן צו ווערן א דיין אין דעם לאנדאנער בית דין. אין זיינע לעצטע יארן איז ער ארויף קיין ישראל וואו ער האט געוואוינט אין דעם בית וגן געגנט פון ירושלים, און געדינט ווי ראש ישיבה פון ישיבת תורת חכם.
זיין זון הרב שמעון ירחמיאל קאפלין איז דער מחבר פונעם ספר "צמח דוד", און א מגיד שיעור אין דער שערי תורה ישיבה אין מאנטשעסטער. זיין נעפע הרב שמואל סיימאנס איז א דיין אין דעם לאנדאנער בית דין און מחבר פונעם ספר "מעיל שמואל".
ער איז נפטר געווארן אין לאנדאן אין תשס"ו, און מ'האט אים געברענגט צו קבורה אין הר הזיתים.
זיינע ספרים
- הד אליהו, לאנדאן, תשכ"ג
- כתר דוד, ירושלים, תשכ"ח
- כתר דוד תניינא
- תולדות נח, לאנדאן, תשמ"ג
- כתר נהורא, ירושלים
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!