נדב בן ירבעם
נָדָב געווען דער צווייטער קעניג פון מלכות ישראל, דער זון פון ירבעם, און דער לעצטער קעניג פון בית ירבעם. ער האט געקעניגט פון יאר ב'תתקפ"ה ביז ב'תתקפ"ו.
| מדינה | מלכות ישראל | ||||
|---|---|---|---|---|---|
| נהרג |
ב'תתקפ"ו גבתון | ||||
| בית ירבעם דינאסטיע | |||||
| |||||
|
| |||||
ער איז אנגעגאנגען מיט די שלעכטע מעשים פון זיין פאטער ירבעם, סיי מיט די עגלים וואס ירבעם האט אויפגעשטעלט און סיי מיט אנדערע שלעכטס[2]: ”וַיַּעַשׂ הָרַע בְּעֵינֵי ה' וַיֵּלֶךְ בְּדֶרֶךְ אָבִיו וּבְחַטָּאתוֹ אֲשֶׁר הֶחֱטִיא אֶת-יִשְׂרָאֵל”[3]. ער האט געקעניגט בלויז צוויי יאר. לויט דער רד"ק, האבן זיך די צוויי יאר אנגעהויבן צען יאר נאך זיין פאטערס טויט, ווייל ביז דאן איז ער נאכנישט געווען קעניג, אדער האט זיין קעניגרייך זיך נאכנישט אוועקגעשטעלט[4].
אין די צווייטע יאר פון זיין קעניגרייך איז ער גע'הרג'עט געווארן דורך זיין הויפט גענעראל בעשא, אין די צייט וואס זיי האבן באלאגערט די פלשתים אין גבתון. בעשא האט דערנאך אויסגע'הרג'עט גאנץ בית ירבעם און פארכאפט דעם טראן. מיט דעם איז ערפילט געווארן די נבואה פון אחיה השילוני, וואס האט פאראויס געזאגט אז בית ירבעם וועט פארטיליגט ווערן צוליב זייערע זינד.
אין זיין צייט איז אין מלכות יהודה געווען דער קעניג אסא בן אבים.