רוי:זארעטשנאיע
דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "זארעטשנאיע".
זארעטשנאָיע (רוסיש: Заречное) איז א דארף אינעם אָבלוטשיער ראיאן פון דער יידישער אויטאָנאָמער געגנט אויף דער גרעניץ מיט דער אמורער געגנט פון דער רוסלענדישער פעדעראציע. עס געפינט זיך אויפן רעכטן ברעג פונעם טייך כינגאן, 32 קילאמעטער פון דער שטאט אָבלוטשיע. לויט די אנגאבן פון 2010 באטרעפט די באפעלקערונג פון זארעטשנאיע 152 נפשות.
געשיכטע
דאס דארף איז געגרינדעט אין אנהייב 30ער יארן פונעם 20טן יארהונדערט אונטערן נאמען וואלד-ארטעל "איסקרא" ("פונק" – אויף רוסיש). דעמאלט האבן דא געוואוינט און געארבעט אסירים. אין 1937 זענען זיי פארביטן געווארן דורך 15 משפחות יידישע איבערוואנדערער פון דער סטאלינגראדער (יעצט – וואָלגאָגראדער) געגנט. זיי זענען געקומען פונעם יידישן קאָלווירט סטאלינדאָרף (יעצט – פּרימאָרסקי), געגרינדעט א קאלווירט אויפן נייעם ארט און געגעבן אים דעם זעלבן נאמען – "סטאלינדאָרף". שפעטער זענען אינעם סטאלינדארף געקומען נייע איבערוואנדערער פון דער סטאלינגראדער, קורסקער און זשיטאָמירער געגנטן. אין 1953 איז דער נאמען פונעם קאלווירט געביטן געווארן אויפן "קאלווירט אויפן נאמען פונעם XX פּארטיי-צוזאמענפאָר. אין 1962 איז געביטן געווארן אויך דער נאמען פונעם דארף. זינט דעמאלט האט מען סטאלינדארף אנגעהויבן רופן זארעטשנאָיע. אין 1968 איז דער ארטיקער קאלווירט ליקווידירט געווארן און זארעטשנאָיע האט מען איינגעשלאסן אין באשטאנד פונעם ראטווירט "פּאשקאָווסקי".
ביז 2006 איז זארעטשנאָיע געווען אן אביעקט פון א טעריאטאריאלן קאנפליקט צווישן דער יידישער אויטאנאמער געגגנט און דער אמורער געגנט. דעם 22טן נאוועבמער 2006 איז געשלאסן געווארן אן אפמאך, וועלכער האט איבערגעלאזט דאס דארף אינעם באשטאנד פון דער יידישער אויטאנאמער געגנט.
וועבלינקען
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!