רוי:דאנקי קאנג (ווידעא שפיל)
דאָנקי קאָנג (ענגליש: Donkey Kong) איז אן אַרקייד ווידעא שפיל באשאפן דורך נינטענדא אין 1981. ער איז אויסגעפורעמט געווארן דורך שיגערו מיאַמאָטאָ און גונפיי יאקאי נאך זייערע אנדערע שפילן האבן דורכגעפאלן אין צפון אמעריקע. ער איז דער ערשטער שפיל אין וועלכער מאַריאָ (וואס איז גערופן שפרונג-מאַן) און דאָנקי קאָנג באווייזן זיך, ווו מאַריאָ דאַרף קריכן א קאנסטרוקציע ארט צו ראטעווען זיין חברטע פאולין פון דער גארילע דאנקי קאנג.
דער שפיל
דער שפילער איז שפרונג-מאַן (מאַריאָ). ער דאַרף קריכן צום שפיץ פון דעם שטאפל צו דערגרייכן זיין חברטע פאָלין, וואס איז אוועקגעכאפט געווארן דורך דאנקי קאנג, ווער האט אנטלויפט פון א זאא. עס זענען דא פיר פארשידענע שטאפלען, און דאנקי קאנג האט פארשידענע געווער אין יעדער שטאפל. דאנקי קאנג ווארפט באַרילקעס אראפ א צעשטערטע קאנסטרוקציע ארט, און שפרונג-מאַן דאַרף קריכן לייטערס און שפרינגען איבער די באַרילקעס ביזן ער דערגרייכט צום שפיץ. ער קען כאפן א האמער צו באזיגן שטערונגען, און יעדן שטאפל האט דריי פון פאולינ'ס זאכן וואס וועט געבן באנוס פונקטן.