רוי:רבי צבי הירש קאפשיץ
דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "רבי צבי הירש קאפשיץ".
-he.svg) |
הרב צבי (הירש) הכהן קאפשיץ (ה'תרנ"ו, 1896 – ו' תשרי ה'תשל"ו, 1975), איז געווען א מגיד שיעור אין דעם דיסקין יתומים-הויז.
ביאגראפיע
ער איז געבוירן געווארן אין פיעטרקאוו[1] מינסקער גובערניע (היינט אין בעלארוס), צו ישראל אהרן הכהן קאפציץ. ער האט געלערנט אין דער סלאבאדקער ישיבה אין קאוונע און איז געווען א תלמיד פונעם "אלטער פון סלאבאדקע". אין די יארן פון דער ערשטער וועלט-מלחמה האט ער געלערנט אין דער ישיבה וואס הרב יעקב כ"ץ האט אויפגעשטעלט אין האמל. אום כ' אלול תרפ"ד (1924) איז ער ארויף קיין ארץ ישראל מיט א נוקלעוס פון סלאבאדקער בחורים, און איז געווען פון די זעקס ערשטע תלמידים וואס האבן געגרינדעט די חברונער ישיבה אין חברון.
אין תרפ"ז (1927) האט ער חתונה געהאט מיט חיה רוחמה, טאכטער פון הרב שמואל הלל שענקער און אן אייניקל פון הרב יוסף חיים זאנענפעלד. פאר איר חתונה האט איר זיידע הרב זאנענפעלד זי געבענטשט אז אלע אירע זין זאלן תלמידי חכמים. נאך דער חתונה האבן זיי געוואוינט אין בתי מחסה אין דער ירושלים אלטשטאט. אויך נאך דער חתונה האט ער ווייטערגעהאלטן זיין קשר מיט דער חברונער ישיבה.
נאך דער אומאפהענגיגקייט מלחמה אין תש"ח זענען זיי אריבערגעגאנגען צו די ברוידא הייזער.
ביים סוף פון די 1920ער יארן האט הרב זאנענפעלד באשטימט פאר א ר"מ אינעם דיסקין יתומים־הויז, לויטן פארשלאג פון דעם חברונער ראש ישיבה הרב משה מרדכי עפשטיין. הרב זאנענפעלד האט געהאט א הקפדה נישט באשטימען זיינע קרובים פאר שטעלעס, דערפאר האט הרב עפשטיין נישט אויסגעזאגט וועמען ער האט אינזינען, נאר נאכדעם וואס ער באשריבן זיינע מעלות און אז ער איז אזוי גוט צוגעפאסט צום אמט האט ער אנטפלעקט זיין נאמען. הרב זאנענפעלד האט ארויסגעשפארט פון זיין מנהג און האט אים באשטימט אין אמט, וואו ער האט געדינט צענדליקער יארן. אין די אנהייב ת"ש יארן האט רבי אייזיק שארר אים פארגעשלאגן צו ווערן משגיח אין דער סלאבאדקער ישיבה וואס ער האט אויפגעשטעלט אין בני ברק, אבער ער האט אפגעזאגט זעענדיק אן אחריות צו זיין אמט אין דיסקין.
זיינע זין האבן אלע געלערנט אין חברון. טראץ וואס די משפחה האט געוואוינט אין א קליינער וואוינונג האט ער מקפיד געווען אז די זין זאלן שלאפן אינדערהיים און נישט אין דעם ישיבה אינטערנאט כדי אז ער זאל קענען גוט אויפפאסן אויף זיי.
דער חזון איש האט משדך געווען זיין טאכטער לאה מיט רב נסים קארעליץ.
אויף זיין מצבה שטייט געשריבן דער נוסח: "מסר נפשו לגדל בניו ובנותיו לתורה ויראת שמים מתוך עוני ודוחק גדול בתפילה ובתעניות".
משפחה
רבי הירש און זיין ווייב לאה האבן געהאט די פאלגנדע קינדער:
- הרב אברהם קאפשיץ – געווען רב פונעם נוה צבי פערטל אין ירושלים, און א ר"מ אין דער טשעבינער ישיבה אין ירושלים. איידעם ביי הרב חיים שרגא פייוול פרנאק.נפטר כ"ח חשון תשע"ד
- הרב ישראל אהרן קאפשיץ – ר"מ אין ישיבת תורה אור און רב אין סנהדריה, ירושלים
- לאה ע"ה - ווייב פון הרב ניסים קארעליץ געבוירן כ"ו אדר א' תרצ"ב נלב"ע ג' אדר תשע"ה
- הרב יוסף חיים קאפשיץ - פון די פירער פון דער פורת יוסף ישיבה און פארזיצער פון דער רוחניות קאמיטעט פון בנות אלישבע סעמינאר
- עטקא הינדא - ווייב פון הרב מרדכי יודעלעוויטש, זון פון הרב שמואל אהרן יודעלעוויטש און אן אייניקל פון הרב אריה לעווין
- בתיה - אשת הרב נתן דוד פרידמן, מרבני כולל חזון איש
- הרב משה פנחס קאפשיץ – געווען רב אין שכונת רוממה ומראשי ישיבת קול יעקב. נפטר ל"ג בעומר תשס"ד. צווישן זיינע איידעמעס: די זין פון הרב מרדכי שלמה בערמאן, הרב מרדכי מן והרב יצחק יחיאל יעקובוביץ, רב פון הרצליה.
- הרב יעקב זאב קאפשיץ - האט געהייראט אן אייניקל פון הרב משה שניידער, ראש ישיבת תורת אמת בלונדון.
- רחל - ווייב פון הרב רפאל דוב בערלין ר"מ ישיבת ראשית חכמה ירושלים.
- הרב נתן קאפשיץ – רב פון דער חרדישער קריה אין בית שמש און א דיין בבד"צ עדה החרדית ירושלים
- שרה - ווייב פון הרב אברהם דוב ליטמאנאוויטש, מו"ץ אין דער עדה החרדית
רעפערענצן
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!