רוי:זשעטל

זשעטל Дзятлава [[טעקע:{{{2}}}|border|115px]] [[טעקע:{{{2}}}|90px]] רינעק מדינה / טעריטאָריע בעלאַרוס גרינדונג דאַטע 1498 קאָאָרדינאַטן ‏53°29′N 25°25′E ראַיאָן הוראדנער וואבלאסט  ‑ אין שטעטל 8,300‏  (שטייענדיג 2004)

זשעטל (בעלאַרוסיש: Дзятлава, רוסיש: Дятлово, פּויליש: Zdzięcioł, ליטוויש: Zietela) איז א שטעטל אין היינטיגן בעלארוס, 165 ק"מ דרום-מזרח פון הוראדנא.

אין יאר 1995 איז איר באפעלקערונג געווען 8,900. די שטאט האט א באן סטאנציע, צווישן באראנאוויטש און לידא.

געשיכטע

זשעטל ווערט דערמאנט צום ערשטן אין דאקומענטן פון יאר 1498, אז מ'האט געגעבן דאס שטעטל צום פירשט קאנסטאנטין אסטראגסקי, וואס האט געבויט דארטן א הילצערנעם שלאס. אין 17טן יאר הונדערט איז דער פריץ געווען לעוו סאפיעהא. ער האט געהייסן בויען א קאטוילישע קירכע אינעם רינעק, וואס שטייט נאך אלץ. אין אנהייב 1708 במשך דער גרויסער צפונדיקער מלחמה האט דער קיסר פעטער דער ערשטער באזוכט זשעטל און פארזוימט דארטן א וואך צייט.

ביז צום צווייטן וועלט קריג איז די באפעלקערונג געווען אין מייסטענס יידן. די יידישע באפעלקערונג אין זשעטל איז געווען 3,033 אין 1897, און 3,450 אין 1926. אין 1942 איז פארגעקומען א גרויסע רציחה אין זשעטלער קאצעט, ווען עסטאנישע פאליציי האבן אויסגעהרגעט 1500 יידן אן רחמנות.

פערזענלעכקייטן

• דער דובנער מגיד (1741-1804)
• הר"ר ישראל מאיר הכהן קאגאן, דער חפץ חיים
• הר"ר ברוך סאראצקין

רעפערענצן

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!