רוי:בעקבות רבותינו
בעקבות רבותינו (אידיש: אין די טריט פון אונזערע רביס) איז א סעט פון פיר ביכער, אין לשון קודש און אין אידיש, וועלכע טוען באשרייבן די לעבנס-געשיכטע פון פיר בארימטע גדולי ישראל.
די ביכער זענען אויסגעארבעט פארן יוגנט, מיט נקודות, דורך דער שרייבער מנחם מענדל גערליץ (מיטן פסעוודאנים "מנחם גץ"), און זענען געווארן געדרוקט אין ירושלים, תשמ"ב-ג.
געבוי
אין די פיר בענדער פון די סעריע ווערן באשריבן די פאלגנדע גדולי ישראל, יעדער אין איין באנד:
- דער בעל שם טוב
- דער ווילנער גאון
- דער חתם סופר
- דער בן איש חי
אויסוואל
אין די הקדמה צום סעריע ערקלערט דער שרייבער פארוואס ער האט אויסגעוועלט צו באשרייבן די פיר גדולים, אנהייבנדיג מיט אן איבערבליק איבער די שוועריגקייטן אין אידישע קהילות נאכפאלגנדיג די גזירות ת"ח ות"ט, דאס געשטאלט פון טיפישן ראש הקהל וועלכער האט דערנידערט די לומדי תורה, די לומדים וועלכע האבן געלערנט שלא לשמה און דערנידערט די פשוטע אידן, שבתי צבי און זיינע נאכפאלגן, און שפעטער די השכלה.
דערנאך ווערט אויספירליך באשריבן וויאזוי די פיר גדולים זענען ווי געשיקט געווארן פון הימל צו היילן די פראבלעמען, יעדער אויף זיין וועג און אויף זיין צייט און פלאץ. זיי האבן דערביי געלאזט אן אומפארגעסליכן איינדרוק ביי באזונדערע קרייזן פון כלל ישראל, און געשאפן דעם געשטאלט פון אידישן פאלק אויף די צוקונפטיגע דורות.
הסכמה
דער ספר פארמאגט די הסכמה פון די עדה החרדית, מיט די חתימות פון רבי משה אריה פריינד, רבי ישראל משה דושינסקיא, רבי ישראל יעקב פישער, רבי בנימין ראבינאוויטש, און רבי יצחק יעקב ווייס.
אין די הסכמה ווערט אויסגעדרוקט אז דער ספר איז ראוי צו זיין א "ספר חינוך", צו ערציען אידישע קינדער צו תורה, יראת שמים, און מידות טובות.
אויפנאמע
די סעריע איז געווארן היבש פאפולער, און האט זיך געפינען אין פילע אידישע שטיבער[מקור פארלאנגט].
דרויסנדע לינקס
- מנחם מענדל גערליץ, בעקבות רבותינו פיר בענדער, אויף אוצר החכמה
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!