רוי:הרב אברהם אלקנה שפירא
| געבורט | י"ד אייר תרע"א |
|---|---|
| טויט | ט"ו תשרי תשס"ח (אלט: 96) |
הרב אברהם אלקנה כהנא-שפירא (גערופן דורך זיין תלמידים "רבי אברם"; י"ד אייר תרע"א[1] - ט"ו תשרי תשס"ח) איז געווען דער הויפט רב פון ישראל אין די יארן תשמ"ג–תשנ"ג. ער האָט געדינט ווי אַ דיין אין דעם בית דין הגדול, און איז געווען ראש ישיבה פון מרכז הרב זינט דער טויט פון רבי צבי יהודה קוק אין תשמ"ב. ער איז געווען א הויפט רבנישער פיגור אין רעליגיעזן ציוניזם.
ביאגראפיע
ער איז געבוירן געוואָרן אין ירושלים צו הרב שלמה זלמן כהנא-שפירא און זיין ווייב הענא רייזל (זאַקס). ער האט געלערנט אין דעם חדר פון דער עץ חיים ישיבה אין דער חורבה שול אין ירושלים, ביי רבי חיים מאן און רבי לייב רוחאמקין (שווער פון רבי שלמה זלמן אויערבאך). נאכהער האט ער געלערנט אין דער תפארת צבי ישיבה און אין דער חברונער ישיבה אונטער רבי משה מרדכי עפשטיין[2], און ביי רבי יחזקאל סרנא[3]. אין זיינע יונגערע יארן האט ער זיך געהאלטן בקשר מיט חשובע רבנים ווי חזון אי"ש[4], הרב רבי משה פיינשטיין[5], הרב צבי יהודה הכהן קוק און הרב רבי איסר זלמן מעלצער, וואס ברענגט דעם קארעספאנדענץ מיט אים אין זיין ספר "אבן האזל".
ער איז נפטר געווארן דעם ערשטן טאג סוכות תשס"ח אינעם שערי צדק שפיטאל.
משפחה
הרב אברהם שפירא ער האט חתונה געהאט מיט מרת פנינה, טאכטער פון רבי יעקב אלעזר הירשוביץ, שוועסטער פון הרב שלום נתן רענן, מנהל פון ישיבת מרכז הרב און איידעם פון הרב קוק (נפטר אין תשנ"ט). איידעם פון הרב הרב אברהם יצחק הכהן קוק. די פּאָר האט געהאט פיר זין: שלמה זלמן, הרב בן ציון כהנא שפירא (מחבר ספר "פני אברהם" און ראש מכון הרצליה) און די צווילינג רבי יעקב אלעזר כהנא שפירא (וואס האבן, לויט זיין פאטער'ס צוואה, יורש געווען זיין ארט אין ראש הישיבה), און הרב שמואל צבי כהנא שפירא (וואס איז אויסגעוויילט געווארן לויט זיין פאטערס צוואה אלס ראש ישיבה).
רעפערענצן
- ↑ הרה"ג אברהם אלקנה כהנא שפירא זצ"ל / גדולי ישראל
- ↑ הרב חיים שטיינער, קוממיות, א' חשון תשס"ח
- ↑ הרב ר' מרדכי אליהו והרב ר' אברהם שפירא נבחרו כרבנים ראשיים, הפרדס, אייר תשמ"ג, עמוד 29
- ↑ חזו"א חושן משפט נזיקין סימן טו אות ד ד"ה והנה דיין.
- ↑ ראו "אגרות משה" (אבן-העזר כ"ד) שמתפלפל באריכות בדברי הרב שפירא ומכנה אותו "הרב הגאון המפורסם... רב גוברייהו דחכמי ירושלים הראויין להורות בכל התורה כולה"
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!