רוי:רבי ברוך בער לייבאוויץ
קפיצה לניווט
קפיצה לחיפוש
 |
רבי ברוך בער (דוב) לייבאוויץ גריפן הברכת שמואל (געבוירן תרכ"ד- ה' כסלו ת"ש) איז געווען דער ראש ישיבה פון דער ישיבה "כנסת בית יצחק" אין סלאבאדקע און שפעטער אין ליטווישער קאמעניץ (היינט אין בעלארוס). זיינע חידושי תורה זענען געדרוקט אינעם ספר "ברכת שמואל".
ביאגראפיע
רבי ברוך בער איז געבוירן אין סלוצק אין יאר ה'תרכ"ד צו זיין פאטער הרב שמואל דוד. אלס קינד האט ער שוין געקענט צוויי סדרים פון גמרא, און זיין פאטער האט אים אריינגעברענגט אין דער וואלאזשינער ישיבה.
ער האט חתונה געהאט מיט דער טאכטער פון הרב צימערמאן, דער רב פון מוש און האלוסק. ווען זיין שווער האט גענומען דאס רבנות פון קרעמענשאג, איז רבי ברוך בער געוויילט געווארן רב פון האלוסק.