רוי:רבי ישכר בלויגרונד

רבי ישכר בלויגרונד זצ"ל (ה'תר"ל - ה'ת"ש), רב אין קאלוואריע

אפשטאם

רבי ישכר איז געבוירן אין לימאנאוו אין יאר ה'תר"ל (אומגעפער), צו זיין פאטער הרב הגביר זושא בלויגרונד פון לימאנאוו.

רבנות

נאך זיין חתונה האט רבי ישכר געוואוינט אין שינאווא, דארט איז ער געווען דער שרייבער פון זיין עלטער-שווער הרב יחזקאל שרגא האלבערשטאם, דער שינאווער רב. אין יאר ה'תרנ"ז איז ער אויפגענומען געווארן רב אין קאלוואריע, דער שינאווער רב איז מיטגעפארן צו זיין באקרוינונג.

הסתלקות

רבי ישכר איז נפטר געווארן אין יאר ה'ת"ש און ליגט אין קראקא.

פאמיליע

רבי ישכר האט געהייראט מרת אסתר גיטל א טאכטער פון הרב אלעזר בינדיגער, אן איידעם פונעם שינאווער רב. זייערע קינדער:

• הרב ברוך אברהם בלויגרונד הי"ד (ה'תר"ן (אומגעפער) - ה'תש"ג), ממלא מקום פון פאטער, רב אין קאלוואריע. ער האט געהייראט מרת חיה א טאכטער פון הרב בצלאל הורוויץ רב אין פילזנא. זיי זענען אומגעקומן אויף קידוש השם אין בעלזשעץ, הי"ד.

• הרב שלמה בלויגרונד. ער האט געהייראט מרת חנה א טאכטער פון עלטער-פעטער הרב אריה לייביש האלבערשטאם פון טארנא, א זון פון דעם שינאווער רב.

• מרת מאטיל לאה, די ווייב פון הרב יוסף בירנבוים הי"ד.

• מרת רייזל פעריל, ( - כ"ה כסלו ה'תשל"א) די ווייב פון הרב יוסף שמואל פרענקל פון קרית צאנז
  • הרב יחזקאל שרגא פרענקל פון רמת גן, ארויסגעבער פון ספר דברי יחזקאל החדש.

• מרת רחל מרים, די ווייב פון הרב יהושע האלבערשטאם א זון פון הרב אשר מאיר האלבערשטאם, רב אין באכניא.

• מרת זיסל, די ווייב פון הרב יחיאל וויינבערג, א זון פון הרב דוב בעריש וויינבערג.

• הרב יחזקאל שרגא בלויגרונד, פון קאלוואריע.

• הרב שמואל בלויגרונד, פון קאלוואריע.

• הרב נפתלי אלימלך בלויגרונד, פון לאדזש.

• מרת חנה, די ווייב פון הרב משה גראסס א זון פון הרב רפאל גראסס רב אין בערבעשט.

רעפערענצן

• אנציקלופדיה לחכמי גליציה, מאיר וונדר