רוי:אברהם רובינשטיין

אברהם רובינשטיין (געב' תשי"ח, 1958) איז דער בירגערמייסטער בני ברק, פון כ"ד שבט ה'תשע"ג, דעם 5טן פעברואר 2013, און סעקרעטאר פון דער מועצת גדולי התורה פון דגל התורה.

ביאגראפיע

רובינשטיין איז געבוירן געווארן אין בני ברק, צו זאב און שרה רובינשטיין. ער האט געלערנט אין דער אור ישראל ישיבה אין פתח תקוה און נאכהער אין דער פאנאוועזשער ישיבה. ער האט געהייראט יהודית אלפא, אן אור־אייניקל פון הרב מאיר קארעליץ. נאך זיין חתונה האט ער געלערנט אין כולל חזון איש.

אין די תש"מ יארן איז ער געווען איינער פון די גרינדער פון דער "נחלת משה" שול אין בני ברק. ער איז דער הויפט גבאי פון דער שול, און דורך זיין איניציאטיוו איז די שול געווארן א צענטער פון שיעורי תורה. אויך פירט ער די הנהלה פונעם כולל אין דער שול וואס ציילט הונדערטער יונגעלייט.

רובינשטיין איז א מיטגליד אין דער סעקרעטאריאט פון דער דגל התורה פארטיי. סוף פון די תש"נ יארן האט מען אים באשטימט סעקרעטאר פון דער מועצת גדולי התורה פון דגל התורה. אין ראם פון זיין אמט פירט אן שליחותן צווישן די רבנים פון דגל התורה.

אין תשנ"ח האט מען אים דערוויילט צום בני ברק שטאטראט אלס דעלעגאט פון דגל התורה. נאך די וואלן אין 2004 איז ער געווארן וויצע־בירגערמייסטער.

אזוי ווי דער בירגערמייסטער פון בני ברק יעקב אשר איז געווארן דערוויילט א דעפוטאט אינעם 19טן כנסת אין דער יהדות התורה ליסטע, האט די שטאטראט באשטימט רובינשטיין איבערצונעמען דעם אמט פון בירגערמייסטער ביז די קומענדיגע לאקאלע וואלן אין נאוועבמבער 2013.

רובינשטיין איז מקורב צו הרב רבי חיים קאניעווסקי. די צוויי זענען מחותנים: רובינשטיין האט א זון אן איידעם ביי הרב שלמה קאניעווסקי, ראש ישיבה פון קרית מלך, א זון פון הרב חיים קאניעווסקי. הרב קאניעווסקי האט רעקאמענדירט רובינשטיין ווי דער קאנדידאט צו פארבייטן יעקב אשר, או האט געשריבן צו הרב רבי אהרן לייב שטיינמאן, פארזיצער פון דער מועצת גדולי התורה: "זעט מיר אויס אז דער פאסנדער מענטש צו ווערן בירגערמייסטער איז אונזער ידיד הרב אברהם רובינשטיין, ער פרעגט דאך אויף יעדער זאך און טוט וואס מ'הייסט אים, און ער איז שטארק באליבט אויפן עולם".

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!