רוי:RapidShare
דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "RapidShare".
טעקע:RapidShare logo.jpg
| |||||||||||||||
רעפידשער (RapidShare) איז א טעקע גאסטגעבן סערוויס וועבזייטל וואו מען קען ארויפשטעלן אויף איר טעקעס פון א פריוואטן קאמפיוטער אויפן אינטערנעט, דער קאמפאני אפערירט פון דער שווייץ און פינאנצירט זיך דורך די איינגעשריבענע באצאלטע מיטגלידער. רעפידשער איז איינער פון די גרעסטע וועלטס טעקע גאסטגעבן וועבזייטלעך מיט מיליאנען טעקעס אין אירע סערווערס. לויט דער אינטערנעט שטודיע פירמע אלעקסע איז רעפידשער דאס 12טע אויף דער ליסטע פון מערסט באזוכטע וועבזייטלעך. Rapidshare.de איז אסאך ווייניגער און האלט ביי די 232סטע אויף דער ליסטע אום אפריל 2008.
היסטאריע
רעפידשער האט צוויי אנדערע וועבזייטלעך אבער ביידע וועבזייטלעך דארפן צו זיין פון אנדערע ארגאניזאציעס. דאס ארגינעלע וועבזייטל איז RapidShare.de, וועלכע נוצט די דייטשע מערסט גענוצטע דאמיין "de", און די ארגאניזאציע איז באזירט אין טשעם, שווייץ.
אום אקטאבער 2006 האט רעפידשער אנאנסירט אז "ליידער זענען אלע דרייווערס פון RapidShare.de איבערגעפולט אויפן מאמענט". א פריש וועבזייטל RapidShare.com האט זיך אויפגעשטעלט און פרובירט אריבערצוברענגען צו איר דאס באנוץ פון RapidShare.de, ווען די RapidShare.com האט זיך געעפנט, האבן מיטגלידער פון די אלטע סייט געקענט נוצן זייער קאנטע אויך אויף די נייע ביז זייער ארגינעלע קאנטע איז אויסגעגאנגען. פון דער אנדערער זייט האט מען אבער נישט געקענט נוצן קיין קאנטע פון די נייע סייט אויף די אלטע.
אפעראציע
דאס זייטל ערלויבט באניצער ארויפצולאדן טעקעס ביז 100מעגאבייט אויף rapidshare.com און ביז 300 מ"ב אויף rapidshare.de, דער באניצער באקומט דאן אן אויסשליסליכער לינק וועלכע ערלויבט יעדעם איינעם, מיט וועם דער באנוצער טיילט מיט דער לינק, אראפצונעמען דעם טעקע צו זיין קאמפיוטער. רעפידשער שטעלט נישט צו קיין זוך סיסטעם אויפצוזוכן טעקעס אויף זייער סערווער, אבער עס איז פארהאן סורטש ענדזשען ספעציעל געאייגנט אויפצוזוכן אזאלכע טעקעס וועלכע ווערן פאבליצירט אויפן גאנצן אינטערנעט.
אויף זייער היימבלאט שרייבן זיי אז זיי פארמאגן 230 גיגאבייט פון אינטערנעט קאנעקטיוויטעט, און 4.5 פעטאבייטן פלאץ צו האלטן טעקעס.
אומאיינגעשריבענע באנוצער האבן שטארקע באגרעניצונגען מיטן אראפלאדן טעקעס, ווי פאלגנד:
- זיי דארפן ווארטן א צוויי דריי מינוט ביז זיי קענען אראפלאדן די טעקע.
- זיי דארפן אריינלייגן די פארזיכערונגס קאד וואס רעפידשער שטעלט ארויס אויף יעדן אראפלאד באזונדער.
- זיי דארפן ווארטן צווישן איין אראפלאדונג און דער צווייטער א לאנגע צייט, צומאל אויך אן אנדערטהאלבן שעה, געוואנדן ווי גרויס די טעקע איז.
רעגיסטרירטע באניצער קענען אבער אראפלאדן טעקעס איינס נאכאנאנד זייער שנעל. אבער אויך נישט מער ווי 25000 מעגא בייטן אין א פעריאד פון פינף טעג.
פראבלעמען
געוויסע אינטערנעט סערוויסן בלאקירן רעפידשער צוליב אומלעגאלע און קאפי רעכט טעקעס וואס מען קען אראפלאדן דארט.
אום יאנואר 2007 האט די דייטשע GEMA אגענטור געווינען א צייטווייליגע סטעי קעגן ביידע סייטס פון רעפידשער צוליבן באנוץ פון קאפירעכט געשיצטע טעקעס אויף רעפידשער, אויף וואס רעפידשער האט צוריקגעשלאגן אז זיי האבן נישט קיין אהנונג וועלכע טעקעס פריוואטע מענטשן לייגן ארויף אויף איר סערווער כדי דאס צו קענען קאנטראלירן. צום סוף איז די פסק קלאר געווען אז היות די באניצער זענען די וואס לאדן ארויף די טעקעס און עס האט גארנישט מיט די אנפירער פונעם סייט איז עס פון א לעגאלע קוק ווינקל נישט קיין פראבלעם.
פארזיכערונגס קאד CAPTCHA
ביז יעצט פלעגן זיי האבן אז מען דארף אריינטייפן אלע אותיות וואס מען האט געזען. אבער אין אפריל 2008 האבן זיי צוגעלייגט א נייע זאך וואס מאכט אסאך שווערער צו קענען אידענטיפיצירן דעם קאוד. עס ווערט ארויסגעלייגט אכט אותיות, פיר מיט א בילד פון א הונט אריינגעלייגט אינדערמיט, און די אנדערע פיר מיט א בילד פון א קאץ, דער באנוצער דארף אידענטיפיצירן די פיר מיט די בילד פונעם קאץ.
מען קען נוצן די נומער 0 אנשטאט די אות O, אדער קאפיטעל אותיות אנשטאט קליינע.
א פרייליכע שטונדע
צוויי שעה אַ טאָג, לויטן איסטערן סטענדערט טיים, אקטיוויזירט רעפידשער א "פרייליכע שעה" וואס מען דארף נישט דאן אריינלייגן די פארזיכערונגס קאָד, און די אַראָפּלאָדן ראטע איז שנעלער.
וועבלינקען
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!